Featured Media Centre Media Releases News

යෝග්‍යතා පරීක්ෂණය සාර්ථකව අවසන් වෙයි

ශ්‍රී ලංකා කණ්ඩායමේ ක්‍රීඩකයින්ගේ යෝග්‍යතා මට්ටම පිළිබඳව තක්සේරුවක් ලබා ගැනීම සඳහා, නියමිත කාලය ඇතුළත කිලෝ මීටර 2 ක දුරක් දිව යෑමේ පරීක්ෂණය කොළඹ සුගතදාස එළිමහන් පිටියේදී අද  (12 දා) දින  අවසන් විය.

මෙම යෝග්‍යතා පරීක්ෂණය සඳහා බටහිර ඉන්දීය කොදෙව් සංචාරය ඉලක්ක කරගනිමින් නම් කරන ලද 36 දෙනෙකුගෙන් සමන්විත පුහුණු සංචිතයට ඇතුළත් ක්‍රීඩකයින් 32 කුගේ සහභාත්වයෙන් පැවැත්විණ.

ආබාධ වලට මුහුණ දී සිටින ධනංජය ද සිල්වා සහ අවිෂ්ක ප්‍රනාන්දු මෙම පරීක්ෂණය සඳහා ඉදිරිපත් නොවූ අතර කුසල් මෙන්ඩිස් සිය විවාහ උත්සවය හේතුවෙන්ද ළහිරු තිරිමාන්න කොරෝනා වෛරසය වැළඳීම හේතුවෙන් මෙම යෝග්‍යතා පරීක්ෂණයට සහභාගිවීමේ වැළකී සිටියහ.

ජාතික කණ්ඩායමේ ක්‍රීඩකයින්ගේ ශාරීරික යෝග්‍යතාව මැන බැලීම වෙනුවෙන් සාමාන්‍යයෙන් යොදා ගනු ලබන යෝ-යෝ ක්‍රමය වෙනුවට කිලෝ මීටර 2 ක දුරක් මිනිත්තු 8 කුත් තත්පර 35 ක කාලයක් ඇතුළත දිව යමින් අවසන් කිරීමේ අභියෝගය අද දිනයේදී ක්‍රීඩකයින්ට හිමිවිය. මෙම ක්‍රමය ක්‍රීඩකයින්ගේ ශාරීරික යෝග්‍යතාවය මෙන්ම විඳ දරා ගැනීමේ මට්ටම තීරණය කිරීම සඳහා දැනට ලෝකයේ භාවිතා කරනු ලබන සම්මත ක්‍රමයකි.

ශාරීරික යෝග්‍යතා කාර්යය සාධන කළමනාකරු ලෙසින් කටයුතු කරන ග්‍රාන්ට් ලූඩන්ගේ ප්‍රධානත්වයෙන් පැවැති මෙම යෝග්‍යතා පරීක්ෂණය පිළිබඳව අදහස් දැක්වූ යෝග්‍යතා කාර්යය සාධන කළමනාකරු, “දැනට ලොව භාවිතා කරන යෝග්‍යතා මට්ටමට අපි හුරු වෙන්න ඕන. ඉදිරියට යද්දී අපි මේ නිර්ණායකයන් වෙනස් කරනවා. එහිදී  විශේෂයෙන්ම පන්දු යවන්නන්ට, පිතිකරුවන් මෙන්ම කඩුලු රකින්නන්ට විවිධ කාල වලදී ලබා දෙනු ලබන ඉලක්කයන් අපි ඉදිරියේදී වෙනස් කරනු ලබනවා”යි සඳහන් කර සිටියේය.

“කිසියම් ක්‍රීඩකයකු මෙම යෝග්‍යතා පරීක්ෂණය අසමත් වුවහොත් ඔහුට ඊළඟට තවත් දින 40 කින් පසු යෝග්‍යතා පරීක්ෂණයට මුහුණ දීමේ අවස්ථාව හිමිවනවා. මේ වසර අවසානයේදී පැවැත්වෙන විස්සයි-20 ලෝක කුසලාන තරගාවලියට පෙර යෝග්‍යතා තත්ත්වය පිළිබඳව හොඳ තක්සේරුවක් ලබා ගැනීම තමයි අපේ අදහස වී තිබෙන්නේ” යි ලූඩන් වැඩිදුරටත් පැවැසීය.

Related posts

ආසියානු ක්‍රිකට් කවුන්සිල මූල්‍ය අළෙවිකරණ කමිටු සභාපති ධුරය ශම්මි සිල්වාට මහතාට

Chamila Karawita

පන්දුවාර 47 කට සීමා වුණු දෙවැනි තරගය ප.ව. 4 ට ඇරඹෙයි

Chamila Karawita

Sri Lanka Cricket to field an Emerging Team to play in the Mercantile Cricket Association (MCA) Premier League

Web Admin