Featured Media Centre News Schools Cricket Womens Cricket

පොලොන්නරුව, ජයසිරිපුර පාසලේ බාලිකා ක්‍රිකට් ක්‍රීඩිකාවන්ට ශ්‍රී ලංකා ක්‍රිකට් වෙතින් උපකරණ පරිත්‍යාගයක්

16-03-2021

කාන්තා ක්‍රිකට් ක්‍රීඩාව නඟා සිටුවීමේ අරමුණින් ශ්‍රී ලංකා ක්‍රිකට් ආයතනය දැනට ක්‍රියාත්මක කර තිබෙන සංවර්ධන වැඩසටහනේ කොටසක් ලෙස පොලොන්නරුවේ ජයසිරිපුර ප්‍රාථමික විදුහලට ක්‍රිකට් උපකරණ තොගයක් පරිත්‍යාග කරනු ලැබීය.

පිති, හිස්වැසුම්, අත් ආවරණ, පා ආවරණ, ක්‍රිකට් සඳහා භාවිතා කරන අනෙක් මෙවලම් ඇතුළු උපකරණ කට්ටලයට අමතරව ක්‍රිකට් ක්‍රීඩාව සඳහා භාවිතයට ගැනෙන ලණු පැදුරක්ද (මැටිං) ලබා දෙන ලද උපකරණ අතර විය.

දක්ෂතාවයන්ගෙන් හෙබි සෑම ශ්‍රී ලාංකිකයකුටම ජාතික කණ්ඩායම නියෝජනය කිරීමේ සමාන අවස්ථා ලබා දීමේ ජාතික වැඩසටහන වෙනුවෙන් ශ්‍රී ලංකා ක්‍රිකට් ආයතනය නිර්මාණය කර ඇති ‘ක්‍රිකට් ගමට’ වැඩසටහන යටතේ සිදුකරන ලද මෙම උපකරණ බෙදාදීම, ශ්‍රී ලංකා ක්‍රිකට් ආයතනයේ කාන්තා ක්‍රිකට් කැඳවුම්කාරිණී ලෙසින් කටයුතු කරන අප්සාරි තිලකරත්න මහත්මියගේ, කාන්තා ක්‍රිකට් මෙහෙයුම් හා සංවර්ධන උපදේශක ලුතිනන් කර්නල් මනූජ කාරියප්පෙරුම සහ ශ්‍රී ලංකා ක්‍රිකට් ජාතික සංවර්ධන අංශ ප්‍රධානී කමල් ධර්මසිරි මහත්වරුන්ගේ ප්‍රධානත්වයෙන් ශ්‍රී ලංකා ක්‍රිකට් ආයතන මූලස්ථානයේදී පැවැත්විණ.

උපකරණ භාර ගැනීම සඳහා එම පාසලේ ක්‍රිකට් පුහුණුකරු ලෙසින් කටයුතු කරනු ලබන ජනක ප්‍රියනාත් මහතා පැමිණ සිටි අතර එහිදී අදහස් දක්වමින්, බාලිකා ක්‍රීඩිකාවන් 50 කට ආසන්න සංඛ්‍යාවක් මේ වන විටත් ක්‍රිකට් පුහුණුවීම් සඳහා සහභාගිවන බවත්, එළැඹෙන පාසල් ක්‍රිකට් තරගාවලිය යටතේ පළමු වරට පාසල් ක්‍රිකට් තරගාවලිය නියෝජනය කිරීමට සූදානම්ව සිටින බව සඳහන් කර සිටියේය.

උපකරණ තොගය ලබාදීමට අමතරව පුහුණුකරු ප්‍රියනාත් මහතාට පළමු පෙළ පුහුණු පාඨමාලාව හැදැරීම සඳහා ශිෂ්‍යත්වයක්ද පිරිනැමීමට ශ්‍රී ලංකා ක්‍රිකට් ආයතනය පියවර ගනු ලැබීය.

මාධ්‍ය අංශය

ශ්‍රී ලංකා ක්‍රිකට්

Related posts

කලකට පසු පැමිණෙන ටෙස්ට් තරගාවලිය චටාරාට අහිමි වෙයි

Web Admin

හොඳම පන්දු යැවීම කසුන් රජිතගෙන්

Chamila Karawita

ශ්‍රී ලංකාව ශ්‍රේණිගත කිරීමෙහි ඉදිරියට ගේන බවට මූඩිගෙන් ප්‍රතිඥාවක්

Chamila Karawita