Featured Media Centre News Sri Lanka Tour of West Indies 2021

ශ්‍රී ලංකාව පන්දු යැවීම තෝරා ගනියි

නෝර්ත් සවුන්ඩ්හි අද (29 දා) ආරම්භ වුණු දෙවැනි ටෙස්ට් ක්‍රිකට් තරගයේදී කාසියේ වාසිය දිනා ගත් ශ්‍රී ලංකා නායක දිමුත් කරුණාරත්න ප්‍රථමයෙන් පන්දු යැවීම තෝරා ගනු ලැබීය. පළමු තරගය පැවැති නෝර්ත් සවුන්ඩ්හි ශ්‍රීමත් විවියන් රිචර්ඩ්ස් ක්‍රීඩාංගණයේදීම පැවැත්වෙන මෙම තරගයේදී පෙර තරගයට ලැබුණු තණතීරුවට වඩා අද තරගය පැවැත්තවෙන ණතීරුවේ තණකොල සහ තෙතමනය තරමක් වැඩි වශයෙන් පැවැතීම ශ්‍රී ලංකා නායකයාට එම තීරණය ගැනීමට වූ හේතු සාධක බවට පත්විය.

තණතීරුවේ හැසිරීම පිළිබඳව වාර්තාවේදී එය අවසන් දින දෙකේදී බොහෝ විට දඟ පන්දු යවන්නන්ට වාසි දායක වන අයුරින් හැසිරෙනු ඇති බවට අනුමාන කෙරිණ. එය එසේ වුවත් කණ්ඩායම් දෙකම මෙම තරගයට අවතීර්ණව සිටින්නේ කණ්ඩායමට එක් ප්‍රධාන දඟ පන්දු යවන්නකු බැගින් ඇතුළත් කරමිනි. එහිදී බටහිර ඉන්දීය කොදෙව් පිල රකීම් කෝන්වෙල් පිළිබඳව ශ්‍රී ලංකාව ලසිත් ඇඹුල්දෙණිය පිළිබඳවද විශ්වාසය තබමින් අවතීර්ණ වී සිටිති. පළමු ටෙස්ට් තරගයට ක්‍රීඩා කරන ලද කණ්ඩායම් වල කිසිම වෙනසක් සිදු නොකරමින් දෙපිළම අද තරගයට අවතීර්ණ වී සිටීම කැපී පෙනෙයි.

බටහිර ඉන්දීය කොදෙව් පිල – 1. ක්‍රෙග් බ්‍රැත්වයිට් (නායක), 2. ජෝන් කැම්බෙල්, 3. න්කෘමා බෝනර්, 4. කයිල් මේයර්ස්, 5. ජරමයින් බ්ලැක්වුඩ්, 6. ජොෂුවා ද සිල්වා, 7. ජේසන් හෝල්ඩර්, 8. රකීම් කෝන්වෝල්, 9. අල්සාරි ජෝසප්, 10. කෙමාර් රෝච්, 11. ෂෙනන් ගේබ්‍රියල්.

ශ්‍රී ලංකා පිල – 1. දිමුත් කරුණාරත්න (නායක), 2. ළහිරු තිරිමාන්න, 3. ඕෂද ප්‍රනාන්දු, 4. දිනේෂ් චන්දිමාල්, 5. ධනංජය ද සිල්වා, 6. පැතුම් නිස්සංක, 7. නිරෝෂන් දික්වැල්ල, 8. සුරංග ලක්මාල්, 9. දුෂ්මන්ත චමීර, 10. ලසිත් ඇඹුල්දෙණිය, 11. විශ්ව ප්‍රනාන්දු.

Related posts

තරග ආරම්භක වේලාවන්වල සංශෝධනයක්

Chamila Karawita

Sri Lankan batsmen disappoint again as England win, but after early scare to take series 2-0

Web Admin

සැඟව සිටි ක්‍රීඩකයන් 19න් පහළ තරගාවලියෙන් එළියට ආවා – නිපුන් ධනංජය

Web Admin