Domestic Cricket Featured Sinhala Column

සී.සී.සී – එන්.සී.සී. මූලික වටයේදී විශේෂ දක්ෂතා පෙන්වති

ශ්‍රී ලංකා ක්‍රිකට් ආයතනය මෙහෙයවන 2020-21 අන්තර් සමාජ මේජර් 20-20 ක්‍රිකට් තරගාවලියේ මූලික වටය නිමවන විට සී.සී.සී (“ඒ” කොටස) එන්.සී.සී (“බී” කොටස) එස්.එස්.සී (“සී” කොටස) සහ ශ්‍රී ලංකා යුද හමුදාව (“ඩී” කොටස) තමන් අයත් කොටස් (Group) වලින් පෙරමුණ ගෙන සිටියහ.

මූලික වටය මාර්තු 4 වැනිදා ආරම්භවී මාර්තු 14 නිමාවට පත්විය. එතෙක් පැවැති තරග අතුරින් සි.සී.සී තරග හයකට සහභාගිවී සියලුම තරගත් එන්.සී.සී තරග පහකට සහභාගිවී එම තරග පහමත් ජයගත්තේ පහසු ආකාරයෙනි. “සී” කොටසේ පෙරමුණ ගෙන සිටින එස්.එස්.සී ඔවුන් සහභාගිවූ තරග පහෙන් හතරක් ජයගෙන තරගයක් පරාජය වූ අතර “ඩී” කොටසේ ඉදිරියෙන් සිටින ශ්‍රී ලංකා යුද හමුදාවද ඔවුන් සහභාගි වූ තරග හයෙන් පහක්ම ජයගෙන තරගයක් පමණක් පරාජය වී සිටී.

තරග පැවැති “ඒ”, “බී”, “සී”, සහ ඩී කොටස් හතරේ දෙවන ස්ථාන පිළිවෙලින් හිමිකරගෙන සිටින්නේ නිගම්බු, කෝල්ට්ස්,කුරුණෑගල යූත් සහ ටැමිල් යූනියන් කණ්ඩායම්ය. එක් එක් කොටස්හි සූරයන් හා අනුසූර කණ්ඩායම් අට සහභාගි වන අර්ධ අවසාන පූර්ව තරග හතර 16වැනිදා පැවැත්වීමට නියමිතය. අවසාන පූර්ව තරග දෙක 18 වැනිදාත් අවසාන තරගය 20 වැනිදාත් සංවිධානය වේ.

ශ්‍රී ලංකාවේ දක්ෂතම ක්‍රිකට් ක්‍රීඩකයන් සහභාගිවන මෙම තරගාවලියට ඉදිරිපත්වූ කණ්ඩායම් සංඛ්‍යාව 26කි. ක්‍රීඩකයන් රැසකටම මෙහිදී තම දක්ෂතා පෙන්වීමට මෙය කදිම අවස්ථාවක් විණි.

පිට පළාත්හි දක්ෂ ක්‍රීඩකයනට සහ නැගී එන තරුණ ක්‍රීඩකයනට ජාතික සහ ජාත්‍යන්තර මට්ටමට යාමට අතහිත දීම මේ තරගාවලිය සංවිධානය කිරීමේදී ශ්‍රී ලංකා ක්‍රිකට් ආයතනයේ මූලික පරමාර්ථයයි.

අර්ධ අවසන් පූර්ව වටයේ තරග

මාර්තු 16 – සී. සී. සී. සහ රාගම අතර

එස්.එස්.සී – කෝල්ට්ස් අතර

යුද හමුදාව – මීගමුව අතර

එන්.සී.සී. – කුරුණෑගල තරුණ අතර

Related posts

දකුණු අප්‍රිකාව ඉනිමක සහ ලකුණු 45 ක ජයක් ලබයි

Chamila Karawita

‘රතු පන්දු’ සටනේදී ශ්‍රී ලංකාව දඟපන්දුව ගැන විශ්වාසය තබයි

Chamila Karawita

India tour of Sri Lanka 2021 rescheduled

Web Admin