Featured Media Centre Media Releases News

ක්‍රීඩකයකුට එරෙහිව ශ්‍රී ලංකා ක්‍රිකට් වෙතින් විනය පරීක්ෂණයක්

දකුණු පළාතේ හෝටලයක පැවැති උත්සවයක් අතරතුරදී ජාතික කණ්ඩායමට සම්බන්ධ ක්‍රීඩකයකු විනය විරෝධී ලෙස හැසිරුණේ යැයි උපුටා දක්වමින් මාධ්‍යවල පළවුණු වාර්තා සම්බන්ධව වලංගු භාවය සොයා බැලීම සදහා පරීක්ෂණයක් ආරම්භ කිරීමට ශ්‍රී ලංකා ක්‍රිකට් පාලනාධිකාරිය තීරණය කර තිබේ.

මේ පිළිබඳව නිවේදනයක් නිකුත් කර සිටින ශ්‍රී ලංකා ක්‍රිකට් ආයතනය, ජාතික කණ්ඩායමට ඇතුළත් සියලුම ක්‍රීඩකයින්ගේ සමාජයීය ක්‍රියාකාරකම් සම්බන්ධව දැඩි විමසිල්ලෙන් පසුවන බවත්, එහිදී කිසියම් ක්‍රීඩකයකු විනය වයිරෝධී හැසිරීමකට හසුව වරදකරු වුවහොත් දැඩි දඬුවම් පැමිණවීමට ශ්‍රී ලංකා ක්‍රිකට් ආයතනය කිසි විටෙකත් පසුබට නොවන බවට එම නිවේදනයෙන් වැඩි දුරටත් සඳහන් කර තිබේ.

ක්‍රීඩකයින්ගේ හැසිරීම් සම්බන්ධව නවතම ආචාර ධර්ම පද්ධතියක් මේ වන විටත් ප්‍රකාශයට පත් කර ඇති බවත්, එය ක්‍රීඩකයින් සමඟ ඉදිරියේදී අත්සන් තැබෙන වාර්ෂික ගිවිසුමේ සිට බලාත්මක කිරීමට ශ්‍රී ලංකා ක්‍රිකට් ආයතනය බලාපොරොත්තු වන බවත් එම නිවේදනය හරහා ශ්‍රී ලංකා ක්‍රිකට් වැඩිදුරටත් දැනුම් දී සිටියි.

Related posts

සමාරම්භක තරගයට වර්ෂාවෙන් බාධා

Chamila Karawita

ක්‍රීඩකයින් 18 දෙනෙකුට කොන්ත්‍රාත් පිරිනමයි

Chamila Karawita

කණ්ඩායමට ‘ආබාධයක්’ නොවුණු ‘සොඳුරු දඩයක්කරුවා’ – සුරංග ලක්මාල්

Chamila Karawita