Bangladesh tour of Sri Lanka 2021 Bangladesh tour of Sri Lanka 2021 Featured Media Centre News

දෙපිළම වේග පන්දු යවන්නෝ ගැන විශ්වාසය තබති

Chamila Karawita reporting from Pallekele

පල්ලකැලේ ජාත්‍යන්තර ක්‍රීඩාංගණයේ අද (21 දා) ආරම්භ වුණු පළමු ටෙස්ට් තරගයේදී කාසියේ වාසිය දිනූ බංග්ලාදේශ නායක මොමිනුල් හක් ප්‍රථමයෙන් පන්දුවට පහර දීමට තීරණය කළේය. වේග පන්දු යවන්නන්ට උචිත වෙතැයි අනුමාන කෙරෙන පල්ලකැලේ තණතීරුවේදී දෙපිළම වේග පන්දු යවන්නන් තිදෙනා බැගින් කැඳවමින් තරගයට අවතීර්ණ ව සිටියි.

ශ්‍රී ලංකා කණ්ඩායම සුරංග ලක්මාල්, ළහිරු කුමාර සහ විශ්ව ප්‍රනාන්දු කැඳවමින්ද, බංග්ලාදේශ කණ්ඩායම අබූ ජායෙඩ්, ටස්කින් අහමඩ් සහ එබදාත් හොසේන් කැඳවමින් තරගයට අවතීර්ණව සිටිති. කෙසේ වෙතත් සත්කාරකයින් විශේෂඥ දඟ පන්දු යවන්නා ලෙස වනිඳු හසරංග කැඳවමින් තරගයට අවතීර්ණ වද්දී සංචාරක පිල මෙහෙදි හසන් සහ ටයිජුල් ඉස්ලාම් දඟ පන්දු යවන්නන් ලෙස යොදා ගනිමින් අවතීර්ණ වී සිටියි.

බටහිර ඉන්දීය කොදෙව් තරග සංචාරය අතරතුරදී ඉවත් වුණු ඇන්ජලෝ මැතිව්ස් කණ්ඩායමට පැමිණීම නිසා දිනේෂ් චන්දිමාල්ට අද තරගයේදී ස්ථානය අහිමිවී තිබේ. අවසන් වරට කොදෙව් කණ්ඩායමට ක්‍රීඩා කරන ලද කණ්ඩායමේ සිටි ලසිත් ඇඹුල්දෙණිය වෙනුවට වනිඳු හසරංගද දුෂ්මන්ත චමීර වෙනුවට ළහිරු කුමාරවද කැඳවා තිබේ.

ශ්‍රී ලංකා කණ්ඩායම – 1. දිමුත් කරුණාරත්න (නායක), 2. ළහිරු තිරිමාන්න, 3. ඕෂද ප්‍රනාන්දු, 4. පැතුම් නිස්සංක, 5. ඇන්ජලෝ මැතිව්ස්, 6. ධනංජය ද සිල්වා, 7. නිරෝෂන් දික්වැල්ල, 8. වනිඳු හසරංග, 9.සුරංග ලක්මාල්, 10. ළහිරු කුමාර, 11. විශ්ව ප්‍රනාන්දු.

බංග්ලාදේශ කණ්ඩායම – 1.ටමීම් ඉක්බාල්, 2.නයිෆ් හසන්, 3.නජ්මුල් හොසේන්, 4. මොමිනුල් හක් (නායක), මුෂ්ෆිකර් රහීම්, 6. ලිටන් දාස්, 7. මෙහෙඩි හසන්, 8. ටයිජුල් ඉස්ලාම්, 9. ටස්කින් අහමඩ්, 10. අබූ ජායෙඩ්, 11. එබාදාත් හොසේන්.

Related posts

ජයග්‍රාහී මානසිකත්වය දිගටම ගෙන යමු

Web Admin

Kamindu Mendis 117 in Chilaw Marians 109-run win over Negombo CC the pick of the matches

Web Admin

දකුණු ළකේ අගනගරේ ගාලු පුරේ ශ්‍රී

Web Admin