Domestic Cricket Featured

වෙළෙඳ සේවා තරගාවලියට ශ්‍රී ලංකා ක්‍රිකට් වෙතින් කණ්ඩායමක්

මාධ්‍ය නිවේදනයයි

මෙම වසරේ සිට වෙළෙඳ සේවා ක්‍රිකට් සංගමය විසින් වාර්ෂිකව සංවිධානය කරනු ලබන වෙළෙඳ සේවා ප්‍රිමියර් ලීග් පන්දුවාර 50 ක්‍රිකට් තරගාවලිය සඳහා ශ්‍රී ලංකා ක්‍රිකට් ආයතනය නියෝජනය කරමින් කණ්ඩායමක් ක්‍රීඩා කරවීමට ශ්‍රී ලංකා ක්‍රිකට් පාලනාධිකාරිය තීරණය කර තිබේ.

2021 වසරේ පැවැත්වෙන මෙම තරගාවලිය සඳහා තරුණ ක්‍රීඩකයින්ගෙන් සමන්විත කණ්ඩායමක් ඉදිරිපත් කරන ලෙස වෙළෙඳ සේවා ක්‍රිකට් සංගමය විසින් සිදුකරන ලද ඉල්ලීමක් සලකා බලමින් ශ්‍රී ලංකා ක්‍රිකට් ආයතනය එම තීරණය ගෙන තිබේ.

ශ්‍රී ලංකා ක්‍රිකට් සංවර්ධන හා නැගී එන කණ්ඩායම් නියෝජනය කරනු ලබන ක්‍රීඩකයින්ගෙන් සමන්විතව මේ සඳහා වන කණ්ඩායම සඳහා ක්‍රීඩකයින් තෝරා ගැනෙන අතර ඒ හරහා තරගකාරීත්වයෙන් යුතු තරගාවලියකට ක්‍රීඩා කිරීමේ අවස්ථාව ක්‍රීඩකයින්ට උදාවනු ඇත.

2021 වසරේ අප්‍රේල් මස 18 වැනිදා සිට මැයි 02 වැනිදා දක්වා දක්වා පැවැත්වෙන මෙම තරගාවලිය සඳහා මෙරට පෞද්ගලික අංශයේ ප්‍රමුඛතම ආයතනය 6 ක් තරග වදිනු ඇත.

මාධ්‍ය අංශය

ශ්‍රී ලංකා ක්‍රිකට්

Related posts

Colombo Kings defeat Dambulla Vikings by 6 wickets in high scoring showdown

Web Admin

ශ්‍රී ලංකා නැගී එන කාන්තා පිල ඉන්දියාව හමුවේ පසුපසියි

Web Admin

National selection committee revamped

Web Admin