Bangladesh tour of Sri Lanka 2021 Bangladesh tour of Sri Lanka 2021 Featured Media Centre News

සඳකැන් සහ චාමික පුහුණුවීම් අරඹති

බංග්ලාදේශයට එරෙහි දෙවැනි ටෙස්ට් තරගය සඳහා ශ්‍රී ලංකා සංචිතයට කැඳවන ලද ලක්ෂාන් සඳකැන් සහ චාමික කරුණාරත්න නීරෝධායන කාල සීමාව අවසන් කරමින් ශ්‍රී ලංකා කණ්ඩායම සමඟ වන පුහුණුවීම් සඳහා අද (28 දා) සහභාගිවූහ.

පළමු ටෙස්ට් තරගය ආරම්භවීමට පෙරම ඩිල්ෂාන් මධුශංකද තරගය අතරතුර ළහිරු කුමාරද ආබාධවලට ලක්වීම නිසා සඳකැන් සහ චාමික කණ්ඩායමට නම් කරන ලද අතර සෞඛ්‍ය මාර්ගෝපදේශයන්වලට අනුකූලව ඔවුන්ව කණ්ඩායමට එක් කර තිබුණි.

දෙවැනි ටෙස්ට් තරගය ඉලක්ක කොට ශ්‍රී ලංකා කණ්ඩායම ඊයේ (27 වැනිදා) දිනයේදීත් පල්ලකැලේ ජාත්‍යන්තර ක්‍රීඩාංගණයේ පුහුණුවීම් වල නිරත වුවද නීරෝධායන කාල සීමාව සම්පූර්ණ නොවීම මත සඳකැන් සහ චාමිකට ඔවුන් සමඟ පුහුණු කිරීමේ අවස්ථාව අහිමි වූ කණ්ඩායම් කළමනාකරු මනූජ කාරියප්පෙරුම මහතා සඳහන් කර සිටියේය.

පී. සී. ආර්. පරීක්ෂණවලින් පසු සෑම දිනකදීම ඇන්ටිජන්ට් පරීක්ෂණ සඳහා මොවුන් දෙපළ භාජනය කළ බව සඳහන් කර සිටි කාරියප්පෙරුම මහතා, කණ්ඩායම සමඟ එකට පුහුණුවීම් කිරීමේ අවස්ථාව අද දිනයේ සිට ඔවුන්ට උදාවූ බව සඳහන් කර සිටියේය.

වමත් දඟ පන්දු යවන්නකු වන සඳකැන් සිය මැණික් කිටුව උපයෝගී කර ගනිමින් දඟ පන්දු යැවීමේ නිරත වෙයි. 2016 වසරේදී ඔස්ට්‍රේලියාවට එරෙහිව පල්ලකැලේ ක්‍රීඩාංගණයේදීම මංගල ටෙස්ට් වරම්දිනා ඇති සඳකැන් මේ වන වටෙ ටෙස්ට් තරග 11 කට සහභාගිවී කඩුල්ලක් දවා ගැනීමේ සාමාන්‍ය 34.48 ක් රඳවා තබා ගනිමින් කඩුලු 37 ක් දවා ගැනීමට සමත්ව සිටින්නේය. සඳකැන්ට අමතරව නවක ක්‍රීඩක ප්‍රවීන් ජයවික්‍රමද මේ වන විටත් ශ්‍රී ලංකා සංචිතයේ පසුවෙයි. කණ්ඩායමට එක්වී සිටින අනෙක් ක්‍රීඩකයා වන චාමික කරුණාරත්නද 2019 වසරේදී ඔස්ට්‍රේලියාවට එරෙහිව මංගල ටෙස්ට් තරගයට ක්‍රීඩා කරමින් එක් කඩුල්ලක් දවා ගැනීමට සමත්ව සිටියි.  

Related posts

පුහුණු තරගයේ පළමු දිනය වැස්සට යට වෙයි

Chamila Karawita

පාකිස්තානයට එරෙහි ටෙස්ට් තරගාවලියට කසුන් රජිතව කැඳවයි

Web Admin

Strong Sri Lanka squad takes wing to South Africa

Web Admin