Featured LPL Media Centre Media Releases

එල්.පී.එල්. හි දෙවැන්න ජූලි 30 සිට අගෝස්තු 22 දක්වා

ලංකා ප්‍රිමියර් ලීග් හෙවත් එල්.පී.එල්. ක්‍රිකට් තරගාවලියේ දෙවැන්න ලබන ජූලි මස 30 වැනිදා සිට අගෝස්තු 22 වැනිදා දක්වා පැවැත්වීමට ශ්‍රී ලංකා ක්‍රිකට් ආයතනය පියවර ගෙන තිබේ.

“මේ වසරේදී එල්.පී.එල්. තරගාවලිය පවත්වන්න සුදුසුම කාල සීමාවක් අපිට හම්බ වෙලා තියෙනවා. ඒ අතරතුර අපි තරගාවලිය පැවැත්වීම සඳහා අවශ්‍ය අනෙකුත් කටයුතු අවසන් කිරීමට කටයුතු කරමින් සිටිනවා” යි මේ පිළිබඳව අදහස් දක්වා සිටින ශ්‍රී ලංකා ක්‍රිකට් ආයතන කලමනාකරණ කමිටු සභාපති මහාචාර්ය අර්ජුන ද සිල්වා මහතා සඳහන් කර සිටියි.

පන්දුවාර විස්සයි-20 තරගාවලියක් ලෙසින් පැවැති එල්.පී.එල්. තරගාවලියේ සමාරම්භක තරගාවලිය ඉතා උත්කර්ෂවත් අන්දමින් කණ්ඩායම් 05 කගේ සහභාගිත්වයෙන් හම්බන්තොට මහින්ද රාජපක්ෂ ක්‍රීඩාංගණයේදී නිමාවට පත්විය. එම තරගාවලියේ ශූරතාව දිනා ගැනීමට තිසර පෙරේරාගේ නායකත්වයෙන් යුතු ජැෆ්නා ස්ටැලියන්ස් පිල සමත්විය.

අභිනව එල්.පී.එල්. තරගාවලිය ජෛව බුබුළු පරිසරයකට යටත්ව පැවැත්වීමට පියවර ගනු ලැබූ අතර, මෙවර තරගාවලියද රටේ පවතින සෞඛ්‍යාරක්ෂිතභාවය පිළිබඳව අවධානය යොමු කරමින් සෞඛ්‍ය අමාත්‍යෘංශය සමඟ සමීපව කටයුතු කොට පැවැත්වීම කෙරෙහි ශ්‍රී ලංකා ක්‍රිකට් ආයතනය අවධානය යොමු කර සිටියි.

Related posts

Oman shock Sri Lanka by 4 wickets

Web Admin

ක්‍රිකට් විනිසුරුවන්ගේ දැනුම වැඩි කරන්න ක්‍රිකට් ආයතනයෙන් අලුත් වැඩක්

Web Admin

A year of cricket inactivity disappointing, but still focused on 10,000 Test runs – Dimuth Karunaratne

Web Admin