Featured Media Centre Media Releases News

පිට පිටම දෙවැනි වතාවටත් ක්‍රිකට් සභාපති අසුන ශම්මි සිල්වාට

2021 සිට 2023 වසර දක්වා කාලය තුළ ශ්‍රී ලංකා ක්‍රිකට් සභාපතිවරයා ලෙස හිටපු ක්‍රිකට් සභාපති ශම්මි සිල්වා මහතා අද (20 දා) පෙරවරුවේ පැවැති ශ්‍රී ලංකා ක්‍රිකට් නිලවරණයේදී තේරී පත්විය. ඒ පිළිබඳ වූ තීරණය නිලවරණය මෙහෙයවන ලද කමිටුව විසින් සනාථ කරනු ලැබීය.

ඒ අනුව ශම්මි සිල්වා මහතා අදාළ සභාපති අසුනට තේරී පත්වූයේ පිට පිටම දෙවැනි වතාවටය. “ශ්‍රී ලංකා ක්‍රිකට් ආයතනයේ සභාපතිවරයා ලෙස මාව තෝරා ගැනීම පිළිබඳව මම අපේ සාමාජිකයින්ට ස්තූතිවන්ත වෙනවා” යැයි සභාපතිවරයා ලෙස තේරී පත්වීමෙන් පසු ශම්මි සිල්වා මහතා සඳහන් කර සිටියේය.

එහිදී වැඩිදුරටත් අදහස් දක්වා සිටි ශම්මි සිල්වා මහතා සිය පාලන කාලය ඇතුළතදී ක්‍රිකට් ක්‍රීඩාවේ දියුණුව වෙනුවෙන් සිදුකරන ලද සේවය අපගේ පාර්ශ්වකරුවන් හොඳින් තේරුම් ගෙන තිබෙන බව මෙම ජයග්‍රහණයෙන් සනාථ වන බවද අවධාරණය කළේය.

ශම්මි සිල්වා මහතාට අමතරව ඔහුගේ පාර්ශ්වයෙන් නිලවරණය සඳහා නාම යෝජනා භාර දුන් සියළු දෙනාද නිතරගයෙන් තේරී පත්වීම කැපී පෙනෙයි. එහිදී උප සභාපතිවරුන් ලෙස රවීන් වික්‍රමරත්න සහ ජයන්ත ධර්මදාස යන මහත්වරුන්ද ප්‍රධාන ලේකම් ලෙස මොහාන් ද සිල්වා මහතාද, භාණ්ඩාගාරික ලෙස ලසන්ත වික්‍රමසිංහ මහතාද උප භාණ්ඩාගාරික සුජීව ගොඩලියැද්ද මහතාද සහ උප ලේකම් ලෙස ක්‍රිෂාන්ත කපුවත්ත යන මහත්වරුද අද දිනයේදී නිතරගයෙන් තේරී පත්වූහ.

Related posts

පාකිස්තානයේදී දස්කම් පෑ ක්‍රිකට් විරුවන්ට ක්‍රීඩා අමාත්‍යාංශයෙන් – ක්‍රිකට් ආයතනයෙන් හරසර

Web Admin

Chandimal rides back strong with unbeaten 118, Kamindu 61, Mathews 52 – Sri Lanka 431/6 lead by 67

Web Admin

වනිඳු හසරංග යළිත් අංක 1 පන්දු යවන්නා වෙයි

Chamila Karawita