Sinhala Column

පොලොන්නරුවෙන් සහ ඇලහැරින් දක්ෂ පාසල් ක්‍රිකට් ක්‍රීඩිකාවන්

බන්දුල මොල්ලිගොඩ

ගම්බද ප්‍රදේශයන්හි වෙසෙන දක්ෂතාවයන්ගෙන් පිරිපුන් පාසල් ක්‍රිකට් ක්‍රීඩිකාවන් හඳුනාගෙන ඔවුනට නිසි පුහුණුව ලබාදී ජාතික මට්ටමට ගෙන ඒමේ වැඩපිළිවෙල යටතේ පොලොන්නරුව, බකමූණ, ඇලහැර සහ ලක්ෂපාන ප්‍රදේශයන්හි දක්ෂ ක්‍රීඩිකාවන් සෙවීමේ (Talent Search) වැඩසටහනක් ගිය මස (අප්‍රේල්) ක්‍රියාත්මක කැරිණි.

මේ වැඩසටහන යටතේ පොලොන්නරුව ජයසිරිපුර විදුහලට සහ ඇලහැර බකමූණ කුඹුක්කන විදුහලට ක්‍රිකට් ක්‍රීඩා ආම්පන්න රැසක් බෙදාදීමත් එහි ක්‍රීඩිකාවන් පුහුණු සැසිවාරයන්ට සහභාගි කරවීමත් සිදුකරන ලදී.

බෙදා දෙන ක්‍රිකට් උපකරණ අතර ක්‍රිකට් පිති, පන්දු, පා ආවරණ, අත් ආවරණ, විකට්ටු ඇතුළත් වේ. එක් පාසලකට මෙහිදී රුපියල් පණස්දහසකට අධික ක්‍රීඩා භාණ්ඩ ලබා දෙන ලදී.

පොලොන්නරුව, මාතලේ සහ නුවරඑළිය දිස්ත්‍රික්කයන්හි දිස්ත්‍රික්ක ක්‍රිකට් සංගමයන්හි නිලධාරීන් ද ශ්‍රී ලංකා ක්‍රිකට් ආයතනයේ කාන්තා ක්‍රිකට් කැඳවුම්කාරිණිය අප්සාරි තිලකරත්න මහත්මිය සහ නිලධාරීන්ද මේ වැඩසටහනට එක්ව සිටියහ. එම පෙදෙස්හි විදුහල්පතිවරුන් ගුරුවරුන් සහ දෙමාපියන් මේ සඳහා සහය දැක්වීම විශේෂත්වයකි.

පොලොන්නරුව ජයසිරිපුර විදුහල, අතනගල්ලෑව මහ විදුහල, හිඟුරක්ගොඩ අලුත්ඔය කණිෂ්ට විදුහල, ඇලහැර බකමුණ කුඹුක්කන විදුහල, ලක්ෂපාන මහ විදුහල ඇතුලු විදුහල් කිහිපයකම ක්‍රිකට් ක්‍රීඩාවට දක්ෂතා ඇති බාලිකාවන් තෝරා ඔවුනට පුහුණුව සහ පහසුකම් ලබාදීම ද මේ වැඩසටහනට අයත්ය.

නොමිලේ පුහුණුකරුවනගේ සේවයත් ක්‍රිකට් දැල් (නෙට්) ක්‍රිකට් පන්දු, පිති අත් ආවරණ සහ පා ආවරණද මේ බාලිකාවනට සැපයේ ශ්‍රී ලංකා ක්‍රිකට් ආයතනය හදුන්වා දී ඇති ගමට ක්‍රිකට් වැඩසටහනට අනුබද්ධවද මෙය ක්‍රියාත්මක කැරේ.

Related posts

පීඩනය කියන එක මට හුරුයි – අසේල ගුණරත්න

Web Admin

ලංකා ක්‍රිකට් ක්‍රීඩිකාවනට අත්දැකීම් රැසක්, ඕස්ට්‍රේලියාව 3-0කින් ජයගනී

Web Admin

ශ්‍රී ලංකාවේ සුරක්ෂිතභාවය 19න් පහළ තරග සංවිධානයෙන් ඔප්පු වනවා – තරග අධ්‍යක්ෂ කියයි

Web Admin