Featured Media Centre News Sri Lanka tour of Bangladesh 2021

ශ්‍රී ලංකා එක්දින පිල පළමු දිනයේදීම පුහුණුවීම් අරඹයි

එක්දින තරග 3 කට සහභාගිවීම සඳහා අද (16 දා) අළුයම බංග්ලාදේශයට ගොඩ බැසි ශ්‍රී ලංකා කණ්ඩායම පළමු දිනයේදීම සිය ශාරීරික යෝග්‍යතා ව්‍යායාම සඳහා රැඳී සිටින හෝටල් පරිශ්‍රයේදී සහභාගිවිය. ජාත්‍යන්තර තරගාවලියකට සහභාගිවීමේදී පළමු දිනය ගමන් වෙහෙස වෙනුවෙන් වෙන්වීම සාමාන්‍ය තත්ත්වයක් වුවත් ඒ කිසිත් නොතකා සිය පුහුණුවීම් ආරම්භ කිරීමට පියවර ගෙන තිබීම කැපී පෙනෙන වෙනසක් ලෙස සඳහන් කළ හැක.

උදෑසන කාලයේදී බංග්ලාදේශයට ළඟා වුණු ශ්‍රී ලංකා කණ්ඩායම නවාතැන් ගෙන සිටින හෝටල් කායවර්ධනා ගාරයේදී එම පුහුණුවීම්වල නිරත වුණු අතර එහිදී කණ්ඩායමේ සාමාජිකයින්ගෙන් බහුතරයක් සහභාගිවී සිටීම විශේෂත්වයකි.

එක්දින තරග 3 කට සහභාගිවීමට බංග්ලාදේශයට ගොස් සිටින ශ්‍රී ලංකා කණ්ඩායම ජෛව පරිසරයකට යොමු කොට තිබෙන අතර එහි පළමු දින 3 නීරෝධායනය කාලසීමාවකි. ඒ අනුව ශ්‍රී ලංකා කණ්ඩායම මැයි 21 වැනිදා වන තෙක් එම හෝටල් පරිශ්‍රය තුළ රැඳී සිටීමට නියමිතය.

එක්දින ලෝක කුසලාන ක්‍රිකට් තරගාවලිය සඳහා සුදුසුකම් ලැබීම වෙනුවෙන් අන්තර්ජාතික ක්‍රිකට් කවුන්සිලය විසින් පවත්වනු ලබන සුපර් ලීග් එක්දින ක්‍රිකට් තරගාවලිය යටතේ පැවැත්වෙන දෙරට අතර මෙම තරගාවලිය එක්දින තරග 3 කින් සමන්විත වේ. මැයි 23, 25 සහ 28 යන තෙදින පැවැත්වීමට නියමිත එම තරග සියල්ලම ඩකායි ශ්රේ බංග්ලා ක්‍රීඩාංගණයේ පැවැත්වෙනු ඇත.  

2023 වසරේ පැවැත්වීමට නියමිත ලෝක කුසලාන තරගාවලිය සඳහා සාර්ථක කණ්ඩායමක් බිහි කිරීමේ අරමුණින්, තරුණ ක්‍රීඩකයින්ට වැඩි අවස්ථාවක් ලබාදීමට තේරීම් කමිටුවේ අදහස වී තිබෙන බැවින් නවක ක්‍රීඩකයින් රැසකගෙන් යුතුව 18 දෙනෙකුගෙන් සමන්විත කණ්ඩායමේ නායකයා ලෙස කුසල් පෙරේරාද උප නායකයා ලෙස කුසල් මෙන්ඩිස්ද කටයුතු කරති.

සුපර් ලීග් තරගාවලිය යටතේ ශ්‍රී ලංකාව සහභාගිවන දෙවැනි තරගාවලිය වන්නේ මෙම තරගාවලිය වේ. මීට පෙර බටහිර ඉන්දීය කොදෙව් පිලට එරෙහිව පැවැති තරග 3 කින් සමන්විත තරගාවලිය ශ්‍රී ලංකාවේ පළමු තරගාවලිය බවට පත්ව සිටින අතර එය 0-3 ක් ලෙස කොදෙව්වන් හමුවේ පරාජයට පත්විය. සුදුසුකම් ලැබීමේ තරගාවලිය යටතේ බංග්ලාදේශය සහභාගිවන තෙවැනි තරගාවලිය වන්නේ මෙම තරගාවලිය වේ. එම තරගාවලිය යටතේ අවසන් වරට පැවැති කොදෙව්වන්ට එරෙහි තරග 3 කින් සමන්විත තරගාවලිය 3-0 ක් ලෙස බංග්ලාදේශ පිල සිය මව්බිමේදීම පරාජයට පත්වීම කැපී පෙනෙයි.

අවසන් වතාවට දෙපිළම ජාත්‍යන්තර තරගාවලියකට සහභාගිවී ඇත්තේ ශ්‍රී ලංකාවේ පැවැති ටෙස්ට් තරගාවලියේදී වන අතර එම තරගාවලිය 1-0 ක් ලෙස ජය ගැනීමට දිමුත් කරුණාරත්නගේ නායකත්වයෙන් යුතු ශ්‍රී ලංකා ටෙස්ට් කණ්ඩායම සමත්විය.

ශ්‍රී ලංකා එක්දින කණ්ඩායම – කුසල් පෙරේරා (නායක), කුසල් මෙන්ඩිස් (උප නායක), ධනුෂ්ක ගුණතිලක, ධනංජය ද සිල්වා, පැතුම් නිස්සංක, දසුන් ශානක, අෂේන් බණ්ඩාර, වනිඳු හසරංග, ඉසුරු උදාන, අකිල ධනංජය, නිරෝෂන් දික්වැල්ල, දුෂ්මන්ත චමීර, රමේෂ් මෙන්ඩිස්, අසිත ප්‍රනාන්දු, ලක්ෂාන් සඳකැන්, චාමික කරුණාරත්න, බිනුර ප්‍රනාන්දු, ශිරාන් ප්‍රනාන්දු.

Related posts

SL Women’s T20I skipper Chamari Atapattu to evolve pinch hitting strategy with Yasoda Mendis

Web Admin

Sri Lanka Test Squad for South Africa and England Series

Web Admin

එංගලන්තයට එරෙහි ටෙස්ට් පිලේ වෙනස්කමක්

Web Admin