Featured Media Centre Media Releases News

ආසියානු ක්‍රිකට් කවුන්සිල මූල්‍ය අළෙවිකරණ කමිටු සභාපති ධුරය ශම්මි සිල්වාට මහතාට

ශ්‍රී ලංකා ක්‍රිකට් ආයතනයේ වත්මන් සභාපති ශම්මි සිල්වා මහතා ආසියානු ක්‍රිකට් කවුන්සිලයේ (ඒ.සී.සී.) මූල්‍ය සහ අලෙවිකරණ කමිටුවේ සභාපතිවරයා වශයෙන් පසුගියදා පැවැති ආසියානු ක්‍රිකට් කවුන්සිල රැස්වීමේදී තේරී පත්කරගෙන තිබේ.

අදාළ පත්වීම පිළිබඳව ආසියානු ක්‍රිකට් කවුන්සිල සභාපති ජේ ෂා මහතා ලිපියකින් දැනුම් දී සිටින අතර ඒ අනුව ශම්මි සිල්වා මහතා, සාමාජිකයින් හය දෙනෙකුගෙන් යුත් කමිටුවේ ප්‍රධානියා වශයෙන් කටයුතු කරනු ඇත.  ඒ අනුව මූල්‍ය හා අලෙවිකරණයට අදාළ සියලු කරුණු ශම්මි සිල්වා මහතාගේ කමිටුවේ විෂය පථය යටතට අයත් වනු ඇත.

ශම්මි සිල්වා මහතාගේ සභාපතිත්වයෙන් යුත් එම කමිටුවේ ආසියානු ක්‍රිකට් කවුන්සිල සභාපති මෙන්ම ඉන්දීය ක්‍රිකට් පාලක මණ්ඩලයේ ලේකම් ජේ ෂා, බංග්ලාදේශ ක්‍රිකට් ආයතන සභාපති නස්මුල් හසන්, ඕමාන ක්‍රිකට් ආයතනයේ පන්කජ් කිමිජි, ඇෆ්ගනිස්තාණ ක්‍රිකට් අයතනයේ හමීඩ් ශින්වාරි, හොංකොක් ක්‍රිකට් ආයතනයේ රාහුල් ශර්මා සහ සෞදි අරාබියාවේ නදීම් නද්වි සෙසු සාමාජිකයෝ වෙති.  මෙම තනතුරට අමතරව ශම්මි සිල්වා මහතා ආසියානු ක්‍රිකට් කවුන්සිල සංවර්ධන කමිටුවේ සාමාජිකයකු ලෙසද කටයුතු කරනු ලබයි.

Related posts

Andre 40 off 14 as West Indies win by 7 wickets to take series 2-nil

Web Admin

NPL අභිනව ශූරතාව ජැෆ්නා ග්ලැඩියේටර්ස් ට

Web Admin

Video: SLC implements a ‘Coach Monitoring System’

Web Admin