Featured Media Centre News Sri Lanka tour of Bangladesh 2021

චමීර – කුසල් ‍ ශ්‍රේණිගත කිරීම්හි ඉදිරියට එති

බංග්ලාදේශයට එරෙහිව පැවැති තරග 3 කින් සමන්විත එක්දින තරගාවලියේදී දක්වන ලද දක්ෂතා හේතුවෙන් ශ්‍රී ලංකා පිලේ වේග පන්දු යවන ක්‍රීඩක දුෂ්මන්ත චමීර සහ නායක කුසල් පෙරේරා අන්තර්ජාතික එක්දින ක්‍රීඩක ශ්‍රේණිගත කිරීම්හි ඉදිරියට පැමිණීමට සමත්ව සිටිති.

එළැඹෙන 2023 වසර ලෝක කුසලාන ක්‍රිකට් තරගාවලියට සුදුසුකම් ලැබීම වෙනුවෙන් පැවැත්වෙන සුපර් ලීග් ක්‍රිකට් තරගාවලිය යටතේ පැවැති එමම තරගාවලියේ ශ්‍රී ලංකාවට ලකුණු 97 ක ජයක් හිමිවූ අවසන් තරගයේ දක්වන ලද දක්ෂතා හේතුවෙන් ඉදිරියට පැමිණීමට අවස්ථාව උදාවිය.

ඒ අනුව චමීර පන්දු යවන්නන් අතර ස්ථාන 27 ක් ඉදිරියට හෙවත් 33 වැනි ස්ථානයේ ද කුසල් ජනිත් ස්ථාන 13 ක් හෙවත් පිතිකරුවන් අතර 42 වැනි ස්ථානය දක්වා ඉදිරියට පැමිණිමට සමත්ව සිටිති.  

බංග්ලාදේශයට එරෙහිව පැවැති තරග 3 කින් සමන්විත තරගාවලියේදී  චමීර ලකුණු 99 කට බංග්ලදේශ පිලේ කඩුලු 9 ක් දවා ගනු ලැබුවේ කඩුල්ලක් දවා ගැනීමේ සාමාන්‍ය 11 ක් රඳවා තබා ගනිමිනි. ඔහු අවසන් එක්දින තරගයේදී ලකුණු 16 ක් ඇතුළත කඩුලු 5 ක් දවා ගනිමින් තරගයේ වීරයා සම්මානයෙන්ද පිදුම් ලැබීය. එම තරගයේදීම ශතකයක් රැස් කිරීමට නායක කුසල් පෙරේරා සමත්විය.

මේ අතර තෙවැනි තරගයේදී ලකුණු 55 ක් රැස් කළ ධනංජය ද සිල්වා තුන් ඉරියව් ක්‍රීඩකයින් අතර ස්ථාන 7 ක් හෙවත් 24 වැනි ස්ථානය දක්වා ඉදිරියට පැමිණීමට සමත්ව සිටියි.

Related posts

Paul Khoury resigns

Web Admin

2022 ට දක්ෂයින් සොයන්න ශ්‍රී ලංකා ක්‍රිකට් දැන් සිටම වැඩ අරඹයි

Web Admin

චන්දිමාල් සහ ධනංජය ශ්‍රී ලංකාව ඉහළට ඔසවති

Chamila Karawita