Featured India tour of Sri Lanka 2021 Media Centre Media Releases News

ඉන්දු-ලංකා එක්දින ගැටුමේ ප්‍රධාන අනුග්‍රාහකත්වය ‘අන්ඇකඩමි’ වෙතින්

ඉන්දීය කණ්ඩායමේ ශ්‍රී ලංකා තරග සංචාරය යටතේ පැවැත්වීමට නියමිත තරග 3 කින් සමන්විත එක්දින තරගාවලියේ ප්‍රධාන අනුග්‍රාහක ආයතනය වශයෙන් අධ්‍යාපන අංශයට අදාළ ඉන්දියාවේ ප්‍රකට සමාගමක් වන අන්ඇකඩම් සමාගම ඉදිරිපත්ව සිටියි. ඉන්දීය ප්‍රිමියර් ලීග් තරගාවලි දෙකක නිල අනුග්‍රාහක හවුල්කරුවන් වශයෙන් කටයුතු කරන ලද අන්ඇකඩම් සමාගම මේ වසරේ පැවැති රෝඩ් සේෆ්ටි වර්ලඩ්ස් සීරීස් තරගාවලියේද ප්‍රධාන අනුග්‍රාහක ආයතනය ලෙස කටයුතු කළේය.

අදාළ අනුග්‍රාහකත්වය පිරිනැමීම පිළිබඳව අදහස් දක්වා සිටින ශ්‍රී ලංකා ක්‍රිකට් ප්‍රධාන විධායක නිලධාරී ඈෂ්ලී ද සිල්වා මහතා අදහස් දක්වමින්, “ඉන්දීය කණ්ඩායමේ ශ්‍රී ලංා තරග සංචාරය දේශීය මෙන්ම ඉන්දීය ක්‍රීඩා ලෝලීන් අතර දැඩි උනන්දුවක් ඇති කරනු ඇති බව මට විශ්වාසයි. ඒ වගේම තරුණ පරම්පරාව කෙරෙහි අවධානය යොමු කර ඇති අන්ඇකඩම් සමාගම දෙරට අතර පැවැත්වෙන මෙම තරගාවලියේ ප්‍රධාන අනුග්‍රාහකයා ලෙසින් ඉදිරියට පැමිණීම පිළිබඳව ස්තූතිවන්ත වීමට මෙය මා අවස්ථාවක් කරගන්නවා” යැයි සඳහන් කර සිටියේය.

මේ අතර අදාළ අනුග්‍රාහකත්වය ලබා දීම පිළිබඳව වූ තීරණය පිළිබඳව අදහස් දැක්වූ අන්ඇකඩමි සමාගමේ ප්‍රධාන අලෙවි නිලධාරී කරන් ශ්රොෆ් මහතා අදහස් දක්වමින්, “මේ තරගාවලියේදී ප්‍රධාන අනුග්‍රාහකයා ලෙසින් කටයුතු කිරීම හරහා තරුණයින් අතර පැහැදිළි බලපෑමක් ඇති කිරීමේ අවස්ථාව අපිට උදා වෙනවා. එබැවින් මෙම තරගාවලියේ කොටස්කරුවකු වීමට ලැබීම ගැන අපි ගොඩක් සතුටට පත්වෙනවා”යි සඳහන් කර සිටියේය.

Related posts

“ෆිට්නස් හදාගත්ත නිසා හැම දේම ලේසි වුණා” – අවිෂ්ක ප්‍රනාන්දු

Chamila Karawita

39 players placed in two bio-bubbles | Player preparations for the upcoming tours

Web Admin

Dialog SLC Invitational T20 League Cricket Tournament the stage for players to win national recognition

Web Admin