Sinhala Column

පාසල් ක්‍රිකට් ක්‍රීඩකයනගේ පන්දුවට පහරදීමේ කුසලතා වැඩිකිරීමේ පියවරක්

පාසල් ක්‍රිකට් ක්‍රීඩකයන්ගේ කුසලතා වැඩි දියුණු කිරීමේ අරමුණින් තවත් පන්දු යැවීමේ යන්ත්‍ර 20ක් නුහුදු අනාගතයේදී පාසල්වලට ලබාදීමට ශ්‍රී ලංකා පාසල් ක්‍රිකට් සංගමය අපේක්ෂා කරයි.

මේ පන්දු යැවීමේ යන්ත්‍ර (බෝලිං මෙෂින්) මෙලෙස ලබාදෙන්නේ ක්‍රිකට් ආයතනයේ පූර්ණ අනුග්‍රහය ඇතිව බව පාසල් ක්‍රිකට් සංගමය පවසයි.

ජාතික කණ්ඩායමේ අවශ්‍යතා අනුව මේ පන්දු යැවීමේ යන්ත්‍ර මුලින්ම එන්.සී.සී.ගෘහස්ථ ක්‍රීඩාගාරයට මීට දශක හතරකට පෙර හදුන්වා‍ දුන්නත් මෙරට පාසල් ක්‍රිකට් ක්‍රීඩකයන් සදහා මෙය ප්‍රථමවරට ලබාදෙනුයේ මෑතක සිටය. මේ එක් යන්ත්‍රයක මිල රුපියල් ලක්ෂ හයහමාරක් වන අතර එම යන්ත්‍ර නොලැබුණු පාසල්  සහා ඒවා ලබාදීමට ඇණවුම් කර ඇත.

අඩුම ගණනේ බාලිකා පාසල් හතරකට හෝ මෙම යන්ත්‍ර ලබාදීම පිළිබදවද මේ වන විට සාකච්ඡා පවත්වා ඇති අතර බාලක බාලිකා දෙපිරිසටම (19න් පහළ) පන්දු (ලෙදර් බෝල) නොමිලේ පරිත්‍යාග කැරේ.

මෙම පන්දු යැවීමේ යන්ත්‍ර බැටරි උපයෝගී කරගෙන ක්‍රියාත්මක කෙරෙන අතර බැටරි ජීවය අඩුවන විට නැවත යථා තත්ත්වයට (Re Charge) කිරීමේ පහසුකම්ද ඒවා සතුවේ.

මේ වැඩපිළිවෙලට අයත් පන්දු යැවීමේ යන්ත්‍ර කිහිපයක් (16ක්) නොබෝදා පාසල් කිහිපයකට බෙදා දුන් අතර තව නොබෝ දිනකින් ක්‍රියාත්මක වනුයේ එහි දෙවැනි පියවරය. මේ පන්දු යැවීමේ යන්ත්‍ර නවීන තාක්ෂණය උපයෝගී කරගෙන මීට පෙරට වඩා නවීන තත්ත්වයකට පත්කරන ලද යන්ත්‍ර වේ.

Related posts

ලෝක කුසලානයෙන් ඉන්දියාව ඉවතට

admin

ලෝක කුසලානයට පෙර තවත් තරගාවලියක් සංවිධානය වනවා නම් හොඳයි – ගාල්ල නායිකාව නිලක්ෂි ද සිල්වා කියයි

Web Admin

ශ්‍රී ලංකා ක්‍රීඩකයන් රැසක්ම ඩුබායි තරග බිමේ

Web Admin