Featured India tour of Sri Lanka 2021 Media Centre Media Releases News

මාධ්‍ය කුටියටත් කොවිඩ් එයි

ශ්‍රී ලංකාව සහ ඉන්දියාව අතර අද (25 දා) පැවැත්වෙන පළමු විස්සයි-20 තරගය සඳහා සූදානමින් තබා තිබූ මාධ්‍ය කුටියේ මෙහෙයුම් සියල්ල හදිසියේම නතර කොට වසා දැමීමට පියවර ගෙන තිබේ. මාධ්‍ය කුටියට අනුයුක්තව සේවය කරන ලද ශ්‍රී ලංකා ක්‍රිකට් ආයතන සේවකයකුට කොවිඩ් 19 වෛසරය අසාධනය වී තිබෙන බව තහවුරුවීමත් සමඟ මෙම පියවර ගැනීමට සෞඛ්‍ය අංශ උපදෙස් ලබා දී තිබේ.

තරගය ආරම්භයට හෝරා කීපයකට ප්‍රථම කොළඹ ආර්. ප්‍රේමදාස ක්‍රීඩාංගණ පරිශ්‍රයේ ස්ථාපනය කොට ඇති පරීක්ෂණ මධ්‍යස්ථානයේ සිදුකරන ලද රැපිඩ් ඇන්ටිජන්ට් පරීක්ෂණයේදී ඔහුට වෛරසය ආසාධනයවී තිබෙන බව තහවුරු වී තිබේ.

ඒ අනුව යමින් සෞඛ්‍ය අමාත්‍යාංශයේ උපදෙස් අනුව කටයුතු කරන ලද ශ්‍රී ලංකා ක්‍රිකට් ආයතනය පළමු තරගයේදී මාධ්‍ය කුටියේ මෙහෙයුම් නවතා දැමීමට පියවර ගනු ලැබීය. ඒ අනුව එම ස්ථානය විෂබීජහරණය කිරීමෙන් පසු නැවතත් දෙවැනි විස්සයි-20 තරගය සඳහා නැවත විවෘත කිරීමට ශ්‍රී ලංකා ක්‍රිකට් ආයතනය බලාපොරොත්තුවෙන් පසුවෙයි.

වෛරසය ආසාධනය වී තිබෙන ක්‍රිකට් ආයතන සේවකයා මේ වන විට කොවිඩ් 19 වෛසරය අදාළ සෞඛ්‍ය ක්‍රමවේදය යටතට භාජනය කොට ඇත.

Related posts

38 වසරක කොදෙව් මතකයන් ගැන අසන්ත ද මෙල්ගේ විග්‍රහය…

Web Admin

තියුණු සටනකින් පසු දඹුල්ල අවසන් සටනට

Web Admin

කාසියේ වාසිය දිනූ චන්දිමාල්ගේ රෙඩ්ස් පන්දු යැවීමට තීරණය කරයි

Chamila Karawita