Featured LPL Media Centre Media Releases News

LPL දෙවැනි අදියරයේ දින වෙනසක්

මෙම මස 29 වැනිදා ආරම්භ කිරීමට අපේක්ෂා කළ ලංකා ප්‍රිමියර් ලීග් හෙවත් එල්.පී.එල්. ක්‍රිකට් තරගාවලියේ දෙවැනි අදියර කාලසටහන නැවත සකස් කරමින් ලබන නොවැම්බර් මස 19 වැනිදා සිට දෙසැම්බර් මස 12 වැනිදා දක්වා පැවැත්වීමට ශ්‍රී ලංකා ක්‍රිකට් ආයතනය සැලසුම් කර තිබේ.

තරග කාලසටහනේ සිදුකරන ලද සංශෝධනය හරහා ලොව ප්‍රධාන පෙළේ ක්‍රිකට් ක්‍රීඩා කරන රටවල ක්‍රීඩකයින්ට LPL තරගාවලියේ දෙවැනි අදියර නියෝජනය කිරීමේ අවස්ථාව හිමිවනු ඇති බව තරගාවලි සංවිධායක කමිටුවේ අදහස වී තිබේ.

LPL තරගාවලියේ දෙවැනි අදියර පැවැත්වීමට අපේක්ෂා කළ කාල සීමාවේදී රටවල් කිහිපයකට ජාත්‍යන්තර තරග සංචාර මෙන්ම LPL තරගාවලිය හා සමානම ලීග් ක්‍රිකට් තරගාවලි කීපයක්ම පැවැත්වීමට කටයුතු යෙදී ඇති බැවින් ඒ පිළිබඳව අවධානය යොමු කරමින් මෙකී තීරණයට එළැඹීමට තරගාවලි සංවිධායක කමිටුව පියවර ගනු ලැබීය. ශ්‍රී ලංකා ක්‍රිකට් ආයතනය ගන්නා ලද මෙම තීරණයට එල්.පී.එල්. තරගාවලියේ නිල ප්‍රවර්ධයක ආයතනය වන නවෝත්පාදන නිෂ්පාදන සමාගම (IPG) ආයතනයද සිය කැමැත්ත පළ කර සිටියි.

“ලංකා ප්‍රිමියර් ලීග් තරගාවලිය පැවැත්වෙන දින සංශෝධනය කිරීමට ශ්‍රී ලංකා ක්‍රිකට් ආයතනය ගනු ලැබූ තීරණයට අයි.පී.ජී. සමාගමේ පූර්ණ සහාය ලබා දෙනවා. ලීගයේ සාර්ථක භාවය තමයි අපිට අතිශයින්ම වැදගත්. ශ්‍රී ලංකා ක්‍රිකට් ආයතනයට, ශ්‍රී ලංකා රජයට, ක්‍රීඩකයින්ට, කණ්ඩායම් හිමිකරුවන් සහ අනුග්‍රාහකයින්ට මේ සඳහා දැක්වූ සහයෝගයට ඔවුන්ට මා ස්තූතිවන්ත වෙනවා” යැයි LPL  තරගාවලියේ නිල ප්‍රවර්ධන අයිතිය හිමි IPG සමාගමේ නිර්මාතෘ සහ ප්‍රධාන විධායක නිලධාරීවරයා වශයෙන් කටයුතු කරනු ලබන අනිල් මොහාන් මහතා සඳහන් කර සිටියි.

Related posts

LPL ගනුදෙනු ගැන ශ්‍රී ලංකා ක්‍රිකට් කරුණු පහදයි

Chamila Karawita

SLC U-19 Super Provincial 50-Over Tournament kicks off

Web Admin

බංග්ලාදේශයට එරෙහිව වේග පන්දු යවන්නන් සිව්දෙනෙක්

Chamila Karawita