Featured Media Centre News SLC Invitational T20 League

අවසන් සටනට එන්න ප්‍රියන්ජන්ගේ ‘ග්‍රීන්ස්’ට සියුම් අවස්ථාවක්

ඩයලොග් SLC ආරාධිත පන්දුවාර විස්සයි-20 ක්‍රිකට් තරගාවලියේ  මූලික වටයේ අවසන් දින දෙක එළැඹෙත්ම අවසන් මහ තරග වරම උදාකර ගැනීම සඳහා දැඩි සටනක් නිර්මාණය වී තිබේ. සහභාගිවූ තරග 4 න් 4 ම ජයග්‍රහණය කර සිටින දසුන් ශානකගේ නායකත්වයෙන් යුතු ග්‍රේස් කණ්ඩායම ඒ සඳහා වැඩි ඉඩ කඩක් වෙන්කරගෙන ඇති මුත් සහභාගිවූ තරග 4 ම පරාජයට පත්ව සිටින අශාන් ප්‍රියන්ජන්ගේ ග්‍රීන්ස් කණ්ඩායමටද තවමත් අවසන් මහ තරග වරම උදාකර ගැනීම සඳහා සියුම් අවස්ථාවක් උදාවී තිබේ.

එහෙත් ඒ සියල්ල රඳා පවතිනුයේ හෙට සහ අනිද්දා තරග වැදීමට නියමිතව තිබෙන රෙඩ්ස් සහ බ්ලූස් අතර තරග ග්‍රේස් කණ්ඩායම ජය ගතහොත් පමණි. එම තරග දෙකේම ජය ග්‍රේස් කණ්ඩායම ජය ගත්තද අවසන් කණ්ඩායම් 2 ට පැමිණීමට නම් ග්‍රීන්ස් පිලට තරග වැදීමට නියමිතව තිබෙන බ්ලූස් සහ රෙඩ්ස්ට එරෙහි තරගද ජයගැනීම අනිවාර්යය වනු ඇත.

එසේ වුවහොත් බ්ලූස්, රෙඩ්ස් සහ ග්‍රීන්ස් කණ්ඩායම් තුනම ජයග්‍රහණ දෙක බැගින් වාර්තා කර ගනිමින් ප්‍රසාද ලකුණු සටහනේ ලකුණු 6 බැගින් සම තත්ත්වයට පත්වන බැවින් අවසන් මහ තරග වරමට සුදුසුකම් ලැබීම ලකුණු ලබා ගැනීමේ වේගය අනුව තීරණය වනු ඇත. මෙහිදී ග්‍රීන්ස් පිල සතු වන වාසිය වන්නේ රෙඩ්ස් කණ්ඩායමට වඩා ඔවුන්ගේ දළ ලකුණු ලබා ගැනීමේ වේගය ඉහළ අගයක් ගෙන තිබීමවේ.

මේ අතර ග්‍රේස් කණ්ඩායමට සහ ග්‍රීන්ස් කණ්ඩායමට එරෙහිව පැවැත්වීමට නියමිත තරග 2 ම ජය ගැනීමට බ්ලූස් සහ රෙඩ්ස් කණ්ඩායම් සමත් වුවහොත් කණ්ඩායම් 3 ම ජයග්‍රහණ 4 බැගින් වාර්තා කර ගනිමින් කණ්ඩායම් 3 ම ප්‍රසාද ලකුණු සංඛ්‍යාව සමාන වනු ඇත. එසේ වුවහොත් අවසන් මහ තරග වරම දිනාගනු ලබන කණ්ඩායම් දෙක තේරීම ලකුණු ලබා ගැනීමේ වේගය අනුව තීරණය වනු ඇත.

හෙට දිනයේදී පළමු තරගයේදී ග්‍රීන්ස් පිල බ්ලූස් පිලද රාත්‍රී තරගයේදී ග්‍රේස් පිල රෙඩ්ස් පිලද මුණ ගැසෙන අතර අනිද්දා දිනයේදී ග්‍රේස් සහ බූල්ස් පළමු තරගයේදීද ග්‍රීන්ස් සහ රෙඩ්ස් දෙවැනි තරගයේදීද තරග වැදීමට නියමිතය. 

Related posts

Sri Lanka lose to New Zealand by 3 wickets in high scoring match

Web Admin

Sri Lanka tour of Zimbabwe 2020 – Itinerary

Web Admin

සිව්වැනි යොවුන් තරගයේදී නවක මුහුණු දෙකකට අවස්ථාව

Chamila Karawita