Featured Media Centre News SLC Invitational T20 League

එක් වෙනස්කමක් සමඟින් ‘ග්‍රේස්’ පන්දුවට පහර දෙයි

ඩයලොග් SLC ආරාධිත පන්දුවාර විස්සයි-20 ක්‍රිකට් තරගාවලිය යටතේ පැවැත්වෙන තෙවැනි තරගය වන ග්‍රේස් සහ රෙඩ්ස් අතර තරගයේ කාසිය වාසිය දිනා ගත් ග්‍රේස් නායක දසුන් ශානක ප්‍රථමයෙන් පන්දුවට පහර දීමට තීරණය කළේය. මෙය දසුන් කාසියේ වාසිය පිට පිටම දිනූ දෙවැනි අවස්ථාව ලෙසින් සටහන් විය.

මෙම කණ්ඩායම් දෙක අතරින් ග්‍රේස් පිල ජයග්‍රහණයක් වාර්තා කරමින් අවතීර්ණ වද්දී රෙඩ්ස් පිල, බ්ලූස් පිලට එරෙහිව පැවැති තරගය ලකුණු 56 කින් පරාජයට පත්විය. කෙසේ වෙතත් අද තරගයේදී රෙඩ්ස් පිල කිසිදු වෙනස්කමක් නොකරමින් තරගයට අවතීර්ණ වද්දී ග්‍රේස් පිල එක් වෙනස් කමක් සිදු කොට තරගයට අවතීර්ණ ව සිටියි. පළමු තරගයට ක්‍රීඩා කළ දකුණත් වේග පන්දු යවන උදිත් මදුශාන් වෙනුවට ප්‍රහාරාත්මක පිතිකරු ලසිත් කෲස්පුල්ලේව කැඳවමින් ග්‍රේස් පිල අද තරගයට අවතීර්ණව සිටියි.

ග්‍රේස් – මිනෝද් භානුක, කමිල් මිශාර, ලසිත් කෘස්පුල්ලේ, දසුන් ශානක (නායක), චතුරංග ද සිල්වා, ළහිරු මදුශංක, මිලින්ද සිරිවර්ධන, නුවන් ප්‍රදීප්, පුලින තරංග, අෂේන් ඩැනියල්, නුවනිඳු ප්‍රනාන්දු

රෙඩ්ස් – දිනේෂ් චන්දිමාල් (නායක), අවිෂ්ක ප්‍රනාන්දු, නිපුන් ධනංජය, ඕෂද ප්‍රනාන්දු, අසේල ගුණරත්න, ලසිත් අබේරත්න, සීකුගේ ප්‍රසන්න, හිමේෂ් රාමනායක, අකිල ධනංජය, ප්‍රභාත් ජයසූරිය, අසිත ප්‍රනාන්දු.

Related posts

පියාගේ අඩිපාරේ නොගිය දුවිඳු

Web Admin

ක්‍රිකට් විනිසුරුවන්ගේ දැනුම වැඩි කරන්න ක්‍රිකට් ආයතනයෙන් අලුත් වැඩක්

Web Admin

ශ්‍රී ලංකාවට පැහැදිළි අරමුණක්

Chamila Karawita