Featured Media Centre News SLC Invitational T20 League

ක්‍රීඩාවට එහා ගිය දසුන්ගේ ‘උතුම් වීරකම’

ග්‍රේස් කණ්ඩායම ශූරතාව දිනා ගනිමින් නිමාවට පත් වුණු ආරාධිත විස්සයි-20 ක්‍රිකට් තරගාවලියේ වීරයා ලෙසින් තමන්ට ලැබුණු මුදල කළුබෝවිල රෝහලට පරිත්‍යාග කරන බව ශ්‍රී ලංකා එක්දින සහ විස්සයි-20 නායක දසුන් ශානක තීරණය කර තිබේ.

වර්තමානය තුළ රට මුහුණ දී සිටින තත්ත්වය ගැන අවබෝධයක් ඇති නිසා තමන් එම මුදල පරිත්‍යාග කිරීමට තීරණය කළ බව තරගාවසානයේදී දසුන් සඳහන් කර සිටි අතර එම මුදලට අමතරව කණ්ඩායමද තමන් ලැබුණු මුදලිනුත් කොටසක්ද ඒ සඳහා ලබා දෙන බව වැඩිදුරටත් සඳහන් කර සිටියේය.

ඒ පිළිබඳව දසුන් සිය අදහස් දක්වා සිටියේ මේ අයුරින්. “කළුබෝවිල හොස්පිට්ල් Ventilator unit එකක් (කෘත්‍රිම ශ්වසනය ලබා දීමේ ආරාධකයක්) හයි කරනවා කියලා ජාතික කණ්ඩායමේ ක්‍රීඩකයින්ව දැනුවත් කර සිටියා. මොකද රටේ තියෙන තත්ත්වය අපිට පේනවා. එන්න එන්නම නරක අතරට හැරෙමින් තියෙනවා. මම හිත්නනේ ක්‍රීඩකයින් විදියට අපිට කරන්න පුලුවන් දේ තමයි උපරිම උදව් කරන එක. ඒ කියන්නේ වෙන්ටිලේටර් එක හයි කරගන්න සපෝර්ට් කරන එක. ඒ අනුව මම මගේ මෑන් ඕෆ්ද සීරීස් වෙච්ච මුදල් ප්‍රමාණය එහෙමම පරිත්‍යාග කරනවා. ඒ වගේම මෙම කර්තව්‍යයට කණ්ඩායමෙනුත් අපි මුදලක් පරිත්‍යාග කරන්න බලාපොරොත්තු වෙනවා” යැයි දසුන් සදහන් කර සිටියේය.

Related posts

Sri Lanka Women romp to finals beating Nepal Women

Web Admin

දැන් අපි ඉන්නේ හොඳම රිදම් එකක – අසන්ත ද මෙල් කියයි

Web Admin

කලම්බු ස්ටාර්ස් පිලට වාර්තාගත ජයක්

Chamila Karawita