Featured Media Centre News SLC Invitational T20 League

කාසියේ වාසිය දිනූ චන්දිමාල්ගේ රෙඩ්ස් පන්දු යැවීමට තීරණය කරයි

ඩයලොග් SLC ආරාධිත පන්දුවාර විස්සයි-20 ක්‍රිකට් තරගාවලිය යටතේ අද (18 දා) පැවැත්වෙන පළමු තරගය වන රෙඩ්ස් සහ බ්ලූස් අතර තරගයේ කාසියේ වාසිය දිනූ දිනේෂ් චන්දිමාල් පළමුව පන්දු යැවීමට තීරණය කළේය. මෙම තරගාවලියේ කාසියේ වාසිය දිනූ කණ්ඩායමක් ප්‍රථමයෙන්ම පන්දු යැවීමට තීරණය කරන ලද පළමු අවස්ථාව වශයෙන් ද චන්දිමාල්ගේ තීරණය සටහන් වේ.

ඒ අනුව අද තරගයට රෙඩ්ස් කණ්ඩායම එකම වෙනස්කමක් කරමින් අසිත ප්‍රනාන්දු වෙනුවට හිමේෂ් රාමනායකවද, බ්ලූස් පිල වෙනස් කම් දෙකක් කරමින් සුරංග ලක්මාල් සහ උප නායක ඇන්ජලෝ පෙරේරා වෙනුවට කලන පෙරේරා සහ ළහිරු සමරකෝන් කැඳවමින් අවතීර්ණව සිටිති.

මෙම තරගයට පෙර කණ්ඩායම් දෙකම තරග 3 කට ක්‍රීඩා කර තිබෙන අතර එහිදී බ්ලූස් පිල ජයග්‍රහණ දෙකක්ද රෙඩ්ස් පිල එක් ජයග්‍රහණයක්ද වාර්තා කරමින් ප්‍රසාද ලකුණු සටහනේ දෙවැනි සහ තෙවැනි ස්ථානවල රැඳී සිටිති.

රෙඩ්ස් – දිනේෂ් චන්දිමාල් (නායක), අවිෂ්ක ප්‍රනාන්දු, නිපුන් ධනංජය, ඕෂද ප්‍රනාන්දු, අසේල ගුණරත්න, මුදිත ලක්ෂාන්, චාමික කරුණාරත්න, සීකුගේ ප්‍රසන්න, අකිල ධනංජය, ප්‍රභාත් ජයසූරිය, හිමේෂ් රාමනායක.

බ්ලූස් – සධීර සමරවික්‍රම, නිශාන් මදුශ්ක, ධනංජය ද සිල්වා, අශේන් බණ්ඩාර, සහන් ආරච්චිගේ, ධනංජය ලක්ෂාන්, ප්‍රවීන් ජයවික්‍රම, ඩිල්ෂාන් මදුශංක, ළහිරු සමරකෝන්, කලන පෙරේරා, මශීෂ් තීක්ෂණ.

Related posts

ශෆීක්ගේ ශතකයෙන් පාකිස්තානු බලාපොරොත්තු ඉහළ යයි

Chamila Karawita

Galle Stadium grass bank side open for public

Web Admin

ශ්‍රී ලාංකික ක්‍රීඩාංගණ කාර්ය මණ්ඩලයට රොෂාන් අබේසිංහගෙන් ‘මල් මිටක්’

Web Admin