Featured Media Centre News SLC Invitational T20 League

කාසියේ වාසිය දිනූ බ්ලූස් පන්දු යවයි – පොඩි මාලිංගට අවස්ථාවක්

මෙම 24 වැනිදා පැවැත්වෙන අවසන් මහ තරගයට සුදුසුකම් ලබා ගැනීම සඳහා බ්ලූස් කණ්ඩායමට තීරණාත්මක ග්‍රේස්ට එරෙහි තරගයේදී කාසියේ වාසිය දිනාගත් බ්ලූස් නායක ධනංජය ද සිල්වා ප්‍රථමයෙන් පන්දු යැවීමට තීරණය කළේය.

ලීග් තරග වටයේ අවසන් තරග දිනය වන මෙම 11 වැනි තරගයේදී බ්ලූස් පිල වමත් වේග පන්දු යවන ඩිල්ෂාන් මදුශංක වෙනුවට ශිරාන් ප්‍රනාන්දුව කැඳවමින් අවතීර්ණව සිටිති. මේ වන විටත් අවසන් මහ තරග වරම උදාකර ගැනීමට ග්‍රේස් පිල සමත්ව සිටීම නිසා අද තරගයේදී මෙතෙක් ක්‍රීඩා කිරීමට අවස්ථාව නොලද ක්‍රීඩකයන් දෙදෙනකු වන හිමාෂ ලියනගේ සහ මතීෂ පතිරණ කැඳවමින් තරගයට අවතීර්ණ ව සිටියි. පෙර තරගයට ක්‍රීඩා කරන ලද නුවන් ප්‍රදීප් සහ අෂේන් ඩැනියෙල් ඔවුන් වෙනුවෙන් කණ්ඩායමෙන් විවේක ගන්වන ලද පන්දු යවන්නෝ බවට පත්ව සිටිති.

මතීෂ පතිරණ යනු ලසිත් මාලිංගගේ පන්දු යැවීමේ ඉරියව්වට සමාන ඉරියව්වකින් පන්දු යවන ක්‍රීඩකයකු වේ. ඔහු අවසන් වරට පැවැති වයස අවුරුදු 19 න් පහළ ලෝක කුසලාන ක්‍රිකට් තරගාවලියට ක්‍රීඩා කරමින් වැඩි අවධානයක් දිනා ගැනීමට සමත්ව සිටින පන්දු යවන්නෙකි.

බ්ලූස් පිල -සධීර සමරවික්‍රම, නිශාන් මදුශ්ක, ධනංජය ද සිල්වා, අෂේන් බණ්ඩාර, සහන් ආරච්චිගේ, ධනංජය ලක්ෂාන්, ප්‍රවීන් ජයවික්‍රම, ශිරාන් ප්‍රනාන්දු, ළහිරු සමරකෝන්, කලන පෙරේරා, මහීෂ් තීක්ෂණ.

ග්‍රේස් XI – මිනෝද් භානුක, කමිල් මිශාර, ලසිත් කෲස්පුල්ලේ, දසුන් ශානක, චතුරංග ද සිල්වා, පුලින තරංග, චරිත් අසලංක, නුවනිඳු ප්‍රනාන්දු, හිමාෂ ලියනගේ, චාමික ගුණසේකර, මතීෂ පතිරණ.

Related posts

Notices | SLC Election 2021 – Amendment to Annexure C – Finalizing the eligibility for casting vote

Web Admin

“මෙරටෙන් හෝ විදේශයකින් ආරාධනයක් ලදොත් පුහුණුකරුවකු වනවා” ලසිත් මාලිංග

Web Admin

හිමේෂ්ගේ පන්දු යැවීමෙන් රෙඩ්ස්ට පහසු ජයක්

Chamila Karawita