Featured Media Centre News SLC Invitational T20 League

ග්‍රීන්ස් සහ ග්‍රේස් තරගයට වර්ෂාවෙන් බාධා

Chamila Karawita reporting from Pallakale

වර්ෂාව හේතුවෙන් පන්දුවාර 13 කට සීමා වෙමින් ඇරැඹි තරගයට නැවතත් වර්ෂාව හරස් වීම නිසා තරගය පන්දුවාර 3.4 අවසානයේ තාවකාලිකව නතර කර දැමීමට විනිසුරුවන්ට සිදුවිය. ඒ වන විටත් පන්දුවට පහර දෙමින් සිටින දසුන් ශානකගේ නායකත්වයෙන් යුතු ග්‍රේස් කණ්ඩායම කඩුලු 3 කට ලකුණු 43 ක් ලබා සිටියි.

මෙතෙක් පැවැති තරග 3 ම පරාජයට පත්ව සිටින ග්‍රීන්ස් කණ්ඩායමේ නායක අශාන් ප්‍රියන්ජන් කාසියේ වාසිය දිනා ගැනීමෙන් පසු ප්‍රථමයෙන් පන්දුවට පහර දීමේ අවස්ථාව ග්‍රේස් පිලට ලබා දුන්නත් තරගය ආරම්භ කිරීමට නියමිත වේලාව වන විට වර්ෂාවෙන් බාධා ඇතිවිය. එම තත්ත්වය මත තරගය මිනිත්තු 100 ක ප්‍රමාදයකින් පසු ආරම්භ වූයේ එක් පිලකට පන්දුවාර 13 බැගින් ක්‍රීඩා කිරීමේ අවස්ථාව උදා කර දෙමිනි. කෙසේ වෙතත් අද දිනට තරගය පැවැත්වීමට නම් අවම වශයෙන් පන්දුවාර 5 ක තරගයක් ලෙසින් එය පැවැත්විය යුතු වන අතර පළමු පන්දුවර රාත්‍රී 10.04 වන විට යැවීම සඳහා පිටිය සූදානම්ව තිබිය යුතු වේ.

ග්‍රේස් පිල වෙනුවෙන් ඉනිම ඇරැඹි ලසිත් කෲස්පුල්ලේ පළමු පන්දුවාරය යැවූ නුවන් තුෂාරට එරෙහිව හයේ පහරක් සහ තවත් හතරේ පහර 2 ක් ද සමඟ ලකුණු 16 ක් අනෙක් පන්දුවාරය ක්‍රීඩා කළ කමිල් මිශාර හතරේ පහර 3 ක් සමඟින්  ලබා ගනිමින් වේගවත් ආරම්භයක් ලබා ගත් අතර අනෙක් අන්තයේ වූ කමිල් මිශාර සමඟ එක්ව දෙවැනි පන්දුවාර 2 අවසන් වන විට ග්‍රේස් ලකුණු පුවරුව 32 ක් දක්වා ඉහළ දැමීමට සමත්වූහ.

විශ්ව ප්‍රනාන්දු යවන ලද තෙවැනි පන්දුවාරයේ ඇතුළත ලසිත් කෲස්පුල්ලේ සහ චරිත් අසලංකගේ කඩුලු දවා ගනිමින් නැවතත් තරගයට අවතීර්ණ වීමට ග්‍රීන්ස් කණ්ඩායමට හැකියාව ලැබිණ. පිතිකරණ පිළිවෙළේ වෙනසක් කරමින් අංක 4 ස්ථානයෙන් පන්දුවට පහර දීමට පැමිණි මිනෝද් භානුකද සීමා ඉරෙන් ඉදිරියට පැන පහර එල්ල කිරීමට යෑමේදී ස්ටම්ප් කිරීමකට හසුවිය. එතැන් පටන් වර්ෂාවෙන් තරගයට බාධා පැමිණී අතර තරගය තාවකාලිකව නතර කර දැමීමට විනිසුරුවෝ කටයුතු යෙදූහ.

ග්‍රේස් පන්දුවාර 3.4 කදී කඩුලු 3 කට ලකුණු 43 යි – (ලසිත් කෲස්පුල්ලේ 17, කමිල් මිශාර 16, චරිත් අසලංක 08, මිනෝද් භානුක 01, විශ්ව ප්‍රනාන්දු 08/2, රමේෂ් මෙන්ඩිස් 02/1)

Related posts

SL Cricketers donate for purchase of essential medical equipment for National Hospital to combat COVID19

Web Admin

Karunaratne n.o. 49; Sri Lanka 85/2 on rain marred first day

Web Admin

ශ්‍රී ලංකා පිතිකරුවන්ගෙන් ඉන්දියාවට 276 ක ඉලක්කයක්

Chamila Karawita