Featured Media Centre News South Africa tour of Sri Lanka 2021

ශ්‍රී ලංකාවට එරෙහි දකුණු අප්‍රිකානු පිල නම් කරයි

සැප්තැම්බර් මස 02 වැනිදා සිට ශ්‍රී ලංකාවට එරෙහිව පැවැත්වෙන එක්දිනය සහ විස්සයි-20 තරගාවලිය සඳහා සහභාගිවන දකුණු අප්‍රිකානු කණ්ඩායම මෙහෙයවීමේ වගකීම ටෙම්බා බව්මාට හිමිව තිබේ. එරට ක්‍රිකට් ආයතනය විසින් ප්‍රකාශයට පත් කරන ලද එක්දින කණ්ඩායමෙන් කුවින්ටන් ඩි කොක් සහ ඩේවිඩ් මිලර් විවේක ගැන්වීමට පියවර ගෙන තිබුණද සැප්තැම්බර් මස 10 වැනිදා ආරම්භ වන විස්සයි-20 තරගාවලිය සඳහා ඔවුන් නම් කර තිබේ.0

මොවුන් දෙදෙනාට අමතරව පෞද්ගලික හේතූන් මත එක්දින තරගාවලියෙන් ඉවත්ව සිටින ලුන්ගි න්ගිඩිද විස්සයි-20 තරගාවලිය සඳහා නම් කිරීමට තේරීම් වලදී පියවර ගෙන තිබේ. විස්සයි-20 අන්තර්ජාතික පන්දු යවන්නන්ගේ ශ්‍රේණිගත කිරීමේදී වනිඳු හසරංගට ඉදිරියෙන් සිටින තබ්‍රේස් ශම්සිද එක්දින සහ විස්සයි-20 කණ්ඩායම් දෙකටම නම් කර තිබේ. ඒ අනුව මෙම තරගාවලියේදී මොවුන් දෙදෙනා දක්වනු ලබන දක්ෂතා මත එම ශ්‍රේණිගත කිරීමේ පෙරමුණ ගන්නා පන්දු යවන්නා කවුරුන්ද යන්න වන ඉරණම ද තීන්දු වනු ඇත.

ඔක්තෝම්බර් මසදී පැවැත්වෙන විස්සයි-20 ලෝක කුසලාන ක්‍රිකට් තරගාවලිය සඳහා කණ්ඩායම් සූදානම් කර ගැනීම වෙනුවෙන් දකුණු අප්‍රිකාවට මෙන්ම ශ්‍රී ලංකාවට අතිශය වැදගත් මෙම තරගාවලියේදී  ඩ්වයින් ප්‍රිටෝරියස්ව කණ්ඩායම් දෙකටම නම් කර තිබීම කැපී පෙනෙයි. ඔහු අවසන් වරට අයර්ලන්තයට එරෙහි තරගාවලිය අහිමිවිය.

එක්දින සංචිතය – ටෙම්බා බවුමා  (නායක), ජූනියර් ඩාලා, බියුරන් හෙන්ඩ්‍රිකස්, රීසා හෙන්ඩ්‍රිකස්, හෙන්රිච් ක්ලාසන්, ජෝර්ජ් ලින්ඩේ, ජානේමාන් මාලන්, කේෂව් මහරාජ්, ඒඩ්න් මාක්‍රම, වියාන් මල්ඩර්, ඇන්රිච් නොයේ, ඇන්ඩිල් පෙලුක්වායෝ, ඩ්වයින් ප්‍රිටෝරියස්, කගිසෝ රාබඩා, තබ්‍රේස් ශම්සි, රාසී වැන්ඩර් ඩුසන්, කයිල් වෙරෙයින්, ලිසාඩ් විලියම්ස්.

විස්සයි-20 සංචිතය – ටෙම්බා බවුමා (නායක), කුවින්ටන් ඩි කොක්, ජෝන් ෆෝචූන්, බියුරන් හෙන්ඩ්‍රික්ස්, රීසා හෙන්ඩ්‍රිකස්, හෙන්රිච් ක්ලාසන්, ජෝර්ජ් ලින්ඩේ, කේෂව් මහරාජ්, සිසන්ඩා මගලා, ඒඩ්න් මාක්‍රම, ඩේවිඩ් මිලර්, වියාන් මල්ඩර්, ලුන්ගි න්ගිඩි, ඇන්රිච් නෝයේ, ඩ්වයින් ප්‍රිටෝරියස්, කගිසෝ රබඩා, තබ්‍රේස් ශම්සි, රාසී වැන්ඩර් ඩසන්, ලිසාඩ් විලියම්ස්.

Related posts

Wolf777 News is the Back of the jersey branding sponsor for T20I matches of Sri Lanka Cricket’s India Tour 2022

Web Admin

Chris Silverwood appointed as Sri Lanka Men’s Team Head Coach 

Web Admin

පළමු ටෙස්ට් තරගයෙන් ශ්‍රී ලංකාවට සුපිරි ජයක්

Chamila Karawita