Featured Media Centre News South Africa tour of Sri Lanka 2021

කාසියේ වාසිය දිනා ශ්‍රී ලංකාව පන්දුවට පහර දෙයි

දකුණු අප්‍රිකානු කණ්ඩායමේ ශ්‍රී ලංකා තරග සංචාරය ආරම්භ කරමින් කොළඹ ආර්. ප්‍රේමදාස ක්‍රීඩාංගණයේ අද (02 දා) ප.ව. 2.30 ට ආරම්භ වන පළමු එක්දින තරගයේ කාසියේ වාසිය දිනූ ශ්‍රී ලංකා නායක දසුන් ශානක පළමුව පන්දුවට පහර දීමට තීරණය කළේය.

තරගයට පෙර ශ්‍රී ලංකා නායකයා පැවැසූ පරිදිම ශ්‍රී ලංකා කණ්ඩායම අද තරගයේදී දඟ පන්දු යවන්නන් තිදෙනෙකු සමඟ අවතීර්ණව සිටියි. වනිඳු හසරංග එහි ප්‍රමුඛයා වන අතර අකිල ධනංජය සහ ප්‍රවීන් ජයවික්‍රම සෙසු දඟ පන්දු යවන්නෝ වෙති. මේ අතර කඩුලු රැකීමේ කාර්යය සඳහා මිනෝද් භානුක සහ දිනේෂ් චන්දිමාල් අතර වූ තෝරා ගැනීමේදී එම අවස්ථාව වමත් පිතිකරු මිනෝද් භානුකට හිමිව තිබේ.

ශ්‍රී ලංකා කණ්ඩායම මෙම තරගයේදී දඟ පන්දු යවන්නන් පිළිබඳව විශ්වාසය තබා යෑමට තීරණය කිරීමත් සමඟ දකුණු අප්‍රිකානු පිලද අද තරගයේදී වමත් දඟ පන්දු යවන්නන් දෙදෙනා වන කේෂව් මහරාජ් සහ ටබ්‍රේස් ශම්සි සමඟ අවතීර්ණව සිටියි.

ශ්‍රී ලංකා පිල – 1. අවිෂ්ක ප්‍රනාන්දු, 2. මිනෝද් භානුක, 3. භානුක රාජපක්ෂ, 4. ධනංජය ද සිල්වා, 5. චරිත් අසලංක, 6. දසුන් ශානක (නායක), 7. වනිඳු හසරංග, 8. චාමික කරුණාරත්න, 9. අකිල ධනංජය, 10. දුෂ්මන්ත චමීර, 11. ප්‍රවීන් ජයවික්‍රම.

දකුණු අප්‍රිකානු පිල  – 1. ජෙනමන් මාලන්, 2. ටෙම්බා බවුමා (නායක), 3. ඒඩියන් මාක්‍රම්, 4. රාසි වැන්ඩර් ඩුසේන්, 5. හෙන්රිච් ක්ලාසන්, 6. කයිල් වෙරේයන්, 7. ඇන්ඩ්ල් පෙලුක්වායෝ, 8. කේෂව් මහරාජ්, 9. කාගිසෝ රාබඩා, 10. ඇන්රිච් නොර්යේ, 11. ටබ්‍රෑස් ශම්සි.

Related posts

Bhanuka Rajapaksa a convincing comeback

Web Admin

12 member squad for T20 warm up against New Zealand

Web Admin

අංක වැඩක් නෑ, දක්ෂතායි වැදගත් – චමරි අතපත්තු

Chamila Karawita