Featured Media Centre News

යොවුන් ක්‍රීඩකයින්ගේ වගකීම අවිෂ්ක ගුණවර්ධනට

ක්‍රිකට් තාක්ෂණික කමිටුව සමඟ සාකච්ඡා කිරීමෙන් පසු ශ්‍රී ලංකා වයස අවුරුදු 19 න් පහළ කණ්ඩායමේ ප්‍රධාන පුහුණුකරු ධුරයට හිටපු ටෙස්ට් ක්‍රිකට් ක්‍රීඩක අවිෂ්ක ගුණවර්ධන මහතාව පත් කිරීමට ශ්‍රී ලංකා ක්‍රිකට් විධායක කමිටුව පියවර ගෙන තිබේ. ඒ අනුව ගුණවර්ධන මහතාගේ පත්වීම 2022 වසරේ දෙසැම්බර් මස 31 වැනිදා දක්වා බලපැවැත්වෙනු ඇත.

ජාත්‍යන්තර ක්‍රිකට් කවුන්සිලය විසින් පිරිනමනු ලබන තෙවැනි මට්ටමේ සුදුසුකම් ලත් පුහුණුකරුවකු වන අවිෂ්ක ගුණවර්ධන මහතා, මීට පෙර ශ්‍රී ලංකා යොවුන් කණ්ඩායම සමඟ මෙන්ම ශ්‍රී ලංකා ‘ඒ’ කණ්ඩායමේ සහ නැගී එන කණ්ඩායමේ පුහුණුකරු ලෙස කටයුතු කළේය. ඊට අමතරව ජාත්‍යන්තර තරග සංචාර කීපයකදීම ජාතික කණ්ඩායමේ පිතිකරණ පුහුණුකරු ලෙසින්ක ගුණවර්ධන මහතා කටයුතු කළේය.

මේ අතර යොවුන් කණ්ඩායමේ කළමනාකරු ලෙස මහින්ද හලංගොඩ මහතා පත් කිරීමටද එම විධායක කමිටු රැස්වීමේදී තීරණය වී තිබේ. ඔහුගේ ධුර කාලය එළැඹෙණ වයස අවුරුදු 19 න් පහළ ලෝක කුසලාන ක්‍රිකට් තරගාවලිය තෙක් බලපැවැත්වෙනු ඇත. හලංගොඩ මහතා මීට පෙරද ශ්‍රී ලංකා යොවුන් කණ්ඩායමේ සහ නැගී එන කණ්ඩායමේ කළමනාකරු ලෙසින් කටයුතු කළ අතර ‘ඒ’ කණ්ඩායමේදී කළමනාකරු ලෙසින් කටයුතු කළේය.

Related posts

Sri Lanka 250/8 on rain marred third day, Pathum Nissanka n.o. 49

Web Admin

Sri Lanka squad for Zimbabwe ODI series

Web Admin

ශ්‍රී ලංකාව ලකුණු 40 ක් ඉදිරියෙන්

Chamila Karawita