Media Centre T-20 World Cup - UAE

කාසියේ වාසිය දිනූ අයර්ලන්තය පන්දු යවයි

කාසියේ වාසිය දිනූ අයර්ලන්තය පන්දු යවයි
පන්දුවාර විස්සයි-20 ලෝක කුසලාන ක්‍රිකට් තරගාවලියේ සුපිරි කණ්ඩායම් 12 අතරට සුදුසුකම් ලැබීමට පහසුම අවස්ථාව බවට පත්ව තිබෙන සුදුසුකම් ලැබීමේ තරග වටයේ ශ්‍රී ලංකාව මුහුණ දෙන දෙවැනි තරගය වන අයර්ලන්තයට එරෙහි පැවැත්වෙන තරගයේදී කාසියේ වාසිය දිනූ ප්‍රතිවාදීන් පළමුව පන්දුවට පහර දීම සඳහා ශ්‍රී ලංකා පිලට ආරාධනා කර සිටියේය.
පළමු තරගයට ක්‍රීඩා කරන ලද කණ්ඩායම එකම වෙනස්කමක් හෝ නොකරමින් මෙම තරගයට ශ්‍රී ලංකා පිල අවතීර්ණව සිටියි. කාසියේ වාසිය උරගා බලන අවස්ථාවේදී අදහස් දක්වා සිටි අර්යලන්ත නායක ඇන්ඩෘ බ්ලබරින් සඳහන් කර සිටියේ රාත්‍රී කාලයේදී පිණි සහිත තත්ත්වයක් ඇතිවීමේ ඉඩ කඩක් ඇති බැවින් පන්දු යැවීම තෝරා ගත් බවයි.
කෙසේ වෙතත් කාසියේ වාසියේදී අදහස් දක්වා සිටි ශ්‍රී ලංකා නායකයා, මෙය පන්දුවට පහර දීම සඳහා ඉතා හොඳ තණතීරුවක් බවයි. මෙහිදී පවර් ප්ලේ අවස්ථාවේදී පන්දුවට පහර දීම ගැන බොහෝ දේ සාකච්ඡා කර සිටින බව සඳහන් කර සිටි ශ්‍රී ලංකා නායකයා පළමු තරගයේදී ක්‍රීඩා කළ ආකාරය මත කණ්ඩායම තුළ ඉතා විශිෂ්ඨ විශ්වාසයක් ගොඩ නැඟී තිබෙන බව සඳහන් කර සිටියේය.
මෙම තරගයට පෙර දෙපිළම එක තරගය බැගින් ජයග්‍රහණය කර සිටින බැවින් තරගයේ ජය වාර්තා කරනු ලබන කණ්ඩායම සුදුසුකම් ලැබීමේ ‘ඒ’ කාණ්ඩය යටතේ පළමුවෙන්ම සුපිරි 12 කණ්ඩායම් අතර තරග වටයට සුදුසුකම් ලබනු ඇත.
ශ්‍රී ලංකාව – කුසල් පෙරේරා, පැතුම් නිස්සංක, දිනේෂ් චන්දිමාල්, අවිෂ්ක ප්‍රනාන්දු, භානුක රාජපක්ෂ, දසුන් ශානක (නායක), චාමික කරුණාරත්න, වනිඳු හසරංග, දුෂ්මන්ත චමීර, මහීෂ් තීක්ෂණ, ළහිරු කුමාර.
අයර්ලන්තය – පෝල් ස්ටර්ලින්ග්, කෙවින් ඕබ්‍රියන්, ඇන්ඩි බල්බරින්, ගැරත් ඩෙලනි, කර්ටිස් කැම්පර්, හැරී ටෙක්ටර්, නීල් රොක්, සිමි සිං, මාර්ක් අඩයර්, ජොෂ් ලිට්ල්, ක්‍රෙග් යංග්.

Related posts

රස්නෙ තමයි ප්‍රශ්නේ

Web Admin

යළි නැගී සිටීමට මේ තරගාවලිය හොඳ ආරම්භයක් – දසුන් ශානක

Web Admin

එංගලන්තයට එරෙහි දෙවැනි ටෙස්ට් තරගය එස්. එස්. සී. පිටියට ගෙනෙයි

Web Admin