Featured LPL Media Centre News

ක්‍රීඩකයින් දහ දෙනෙකුට LPL අවස්ථාව

ශ්‍රී ලංකා ක්‍රිකට් ආයතනය සමඟ අත්සන් තබා තිබෙන වාර්ෂික කොන්ත්‍රාත් ගිවිසුමට ඇතුළත්ව සිටින ක්‍රීඩකයින් අතරින් ලංකා ප්‍රිමියර් ලීග් 2021 ක්‍රීඩක කෙටුම්පත් කිරීමේදී කණ්ඩායමකට  ඇතුළත්වීමේ අවස්ථාව මඟ හැරුණු ක්‍රීඩකයින් 10 දෙනෙකුට යළිත් කණ්ඩායම් වලට එක්වීම සඳහා අවස්ථාව ලබා දෙන ලෙස ශ්‍රී ලංකා ක්‍රිකට් ආයතනය විසින් කණ්ඩායම් හිමිකාරීත්වය වෙත දැනුම් දී සිටියි.

ශ්‍රී ලංකා ක්‍රිකට් ආයතනයේ මෙහෙයවීමෙන් දෙවැනි වතාවටත් පැවැත්වෙන LPL 2021 තරගාවලියට ක්‍රීඩකයින් තේරීම වෙනුවෙන් පැවැති ක්‍රීඩක කෙටුම්පත් කිරීමේදී ප්‍රධාන කොන්ත්‍රාත්තුවට ඇතුළත්ව සිටින ක්‍රීඩකයින් කීප දෙනෙකුට කණ්ඩායම්වලට ඇතුළත්වීමේ අවස්ථාව අහිමි විය. ඒ පිළිබඳව අවධානය යොමු කර ශ්‍රී ලංකා ක්‍රිකට් ආයතනය තෝරා නොගත් ක්‍රීඩකයින් 10 දෙනෙකුගේ නම් කණ්ඩායම් හිමිකාරුවන් වෙත ලබා දීමට පියවර තීරණය කර තිබේ.

ශ්‍රී ලංකා ක්‍රිකට් ආයතනයේ මෙහෙයවීමෙන් දෙවැනි වතාවටත් පවත්වනු ලබන ලංකා ප්‍රිමියර් ලීග් 2021 තරගාවලියේදී විදෙස් ක්‍රීඩකයින් 673 දෙනෙකු සහ දේශීය ක්‍රීඩකයින් 358 දෙනෙකු වශයෙන් සමස්ථ ක්‍රීඩකයින් 1031 දෙනෙකු ලියාපදිංචිව තිබුණි. ඒ සියල්ලෝම ක්‍රීඩක තෝරා ගැනීම වෙනුවෙන් පැවැති ක්‍රීඩක කෙටුම්පත් (Player draft) ඉදිරිපත් කිරීමට ශ්‍රී ලංකා ක්‍රිකට් ආයතනය පියවර ගනු ලැබීය.

ක්‍රීඩකයින් තෝරා ගැනීම වෙනුවෙන් පැවැති ක්‍රීඩක තෝරා ගැනීමේ කටයුතු සියල්ල පූර්ණ විධිමත් භාවයකින් සහ විනිවිද භාවයකින් යුතුව සිදු කිරීමට ශ්‍රී ලංකා ක්‍රිකට් ආයතනය පියවර ගනු ලැබීය. කෙසේ වෙතත් එම තෝරා ගැනීමේදී ඉහත නම් සඳහන් ක්‍රීඩකයින්ගේ සේවය කණ්ඩායම් හිමිකාරීත්වය ලබා නොගැනිණ. මෙම තත්ත්වය මත කණ්ඩායමකට ඇතුළත්ව සිටින ක්‍රීඩකයින් සංඛ්‍යාව 20 සිට 22 දක්වා වැඩිවනු ඇත.

Related posts

Video: SLC and SLT starts constructing a National Cricket Stadium in Padukka

Web Admin

Crowds to be allowed at 50% capacity | Sri Lanka vs West Indies Test Series

Web Admin

A year of cricket inactivity disappointing, but still focused on 10,000 Test runs – Dimuth Karunaratne

Web Admin