Featured Media Centre News West Indies Test tour of Sri Lanka 2021

තරගය ඇරඹෙයි

ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ සිව්වැනි දිනට වර්ෂාවෙන් බාධාවීම නිසා නියමිත වේලාවට තරගය ආරම්භ කිරීමට නොහැකි විය. කෙසේ වෙතත් තරගය පෙ.ව. 10.45 ට ආරම්භ කිරීමට සියලු කටයුතු සූදානම් වී තිබේ.

පෙර දිනයේදී සවස් වරුම තරගයට අහිමිවීම නිසා සිව්වැනි දින තරගය පෙ.ව. 9.45 ට ආරම්භ වීමට නියමිතව තිබුණේ පන්දුවාර 98 ක් දිනය පුරා යැවීමට නියමිත වෙමිනි. එහෙත් උදෑසන කාලයේදීද මඳ වැසි තත්ත්වයක් ඇද වැටීම නිසා මුලු ක්‍රීඩාංගණයම වසා තැබීමට ක්‍රීඩාංගණ සේවක පිරිසට සිදුවිය.

ප්‍රමාදය නිසා අද දිනයේදී පන්දුවාර 91 ක් යැවීමට නියමිතව තිබේ. ශ්‍රී ලංකාව ලබා ගත් ලකුණු 386 ට පිළිතුරු පළමු ඉනිම ක්‍රීඩා කරමින් සිටින බටහිර ඉන්දීය කොදෙව් පිල කඩුලු 9 කට ලකුණු 224 ක් ලබා සිටියි. මේ වන විට බටහිර ඉන්දීය කොදෙව් ඉනිමේ පන්දුවාර 80 ක් යවා අවසන්ව තිබෙන බැවින් දෙවැනි නව පන්දුව තරගය ආරම්භයේ සිටම අවශ්‍ය නම් ලබා ගැනීමට ශ්‍රී ලංකා නායක දිමුත් කරුණාරත්නට අවස්ථාව උදාවී තිබේ.

සිව්වැනි දිනයේ සිට තරගය ක්‍රීඩා ලෝලීන්ට නැරඹීමේ අවස්ථාව ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ.

තරගය පැවැත්වෙන කාලය

පෙ.ව. 10.45 – ප.ව. 12.45 – පළමු සැසිය

ප.ව. 1.25 – ප.ව. 3.25 – දෙවැනි සැසිය

ප.ව. 3.45 – ප.ව. 5.45 – තෙවැනි සැසිය

Related posts

විලියම්සන්ගේ උපන්දින සැමරුමේ නොපෙනුණු ඇත්ත

Web Admin

23න් පහළ කාන්තා ක්‍රිකට් රිදී පදක්කම ශ්‍රී ලංකාවට

Web Admin

Sri Lanka should have it easy vs. Namibia

Web Admin