Featured Media Centre News Under 19

යොවුන් පිලේ නායකත්වය යළිත් වෙල්ලාලගේට

එංගලන්ත අවුරුදු 19 න් පහළ පිලට එරෙහිව හෙට (නොවැම්බර් 30) සිට පැවැත්වෙන යොවුන් එක්දින තරගාවලිය සඳහා සහභාගිවන ශ්‍රී ලංකා වයස අවුරුදු 19 න් පහළ කණ්ඩායමේ නායකයා ලෙස යළිත් තුන් ඉරියව් ක්‍රීඩක දුනිත් වෙල්ලාලගේ පත් කර තිබේ. වමතින් දඟ පන්දු යවන දුනිත් මරදාන ශාන්ත ජෝශප් විදුහල නියෝජනය කරන්නේය.

තරග 5 කින් සමන්විත මෙම තරගාවලියට උප නායකයා ලෙසින් කොළඹ නාලන්දා විදුහලේ රවීන් ද සිල්වා පත් කර තිබේ. 2022 වසරේ පැවැත්වීමට නියමිත යොවුන් ලෝක කුසලාන තරගාවලියට සූදානම් වීම සඳහා හෙටින් ඇරඹෙන තරගාවලිය පැවැත්වෙනු ඇත.

තරගාවලියේ සියලුමතරග කොළඹ එස්. එස්. සී. ක්‍රීඩාංගණයේදී පැවැත්වෙන අතර සියලුම තරග සජීවීව විකාශනය කිරීමට ශ්‍රී ලංකා ක්‍රිකට් ආයතනය විධිවිධාන යොදා තිබේ. හෙට තරගය හැරුණු කොට දෙසැම්බර් 3, 5, 8 සහ 10 යන දිනයන්හි සෙසු තරග 4 පැවැත්වෙනු ඇත.

ශ්‍රී ලංකා යොවුන් පිල – දුනිත් වෙල්ලාලගේ (නායක), රවීන් ද සිල්වා (උප නායක), ෂෙවෝන් ඩැනියල්, අංජල බණ්ඩාර, පවන් පතිරාජ, සදීෂ රාජපක්ෂ, සදීෂ් ජයවර්ධන, වනුජ සහන්, රනුද සෝමරත්න, මල්ෂ තරුපති, අභිෂේක් ලියනාරච්චි, ට්‍රෙවීන් මැතිව්, සසංක නිර්මාල, දනාල් හේමානන්ද, යසිරු රොද්‍රගෝ, මතීෂ පතිරණ, චමිඳු වික්‍රමසිංහ, ළහිරු අබේසිංහ, විනුජ රන්පුල්, සකුන ලියනගේ.

Related posts

සුපිරි පන්දුවාරය දක්වා ඇදී ගිය තරගයේ ජය ඔස්ට්‍රේලියාවට

Chamila Karawita

යොවුන් පිල කඩුලු 3 ට ලකුණු 155 යි

Web Admin

එස්.එස්.සී. – බී.ආර්.සී- සැරසන්ස් පූර්ණ ජයග්‍රහණ වාර්තා කරති

Web Admin