Featured Media Centre News West Indies Test tour of Sri Lanka 2021

ශ්‍රී ලංකාව ලකුණු 156 කින් පෙරමුණට

Chamila Karawita reporting from Galle

ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ සිව්වැනි දින උදෑසනම බටහිර ඉන්දීය කොදෙව් පිලේ අවසන් කඩුල්ල දවා ගැනීමට ප්‍රවීන් ජයවික්‍රම සමත්වීමත් සමඟ ලකුණු 156 කින් පළමු ඉනිම පෙරමුණ ගැනීමට ශ්‍රී ලංකාවට අවස්ථාව උදාවිය.

අවසන් වරට 2020 මාර්තු මස 06 වැනි දින පල්ලකැලේ පැවැති ශ්‍රී ලංකාව සහ බටහිර ඉන්දීය කොදෙව් අවසන් විස්සයි-20 තරගයෙන් පසු ගෙවී ගිය දින 628 කාලයකට පසු ජාත්‍යන්තර තරගයක් ක්‍රීඩාංගණයට ගොස් නැරඹීමේ අවස්ථාව ප්‍රේක්ෂකයින්ට උදාවී තිබෙන මෙම තරගාවලියේදී ෂෙනන් ගේබ්‍රියල්ගෙ කඩුල්ල දවා ගැනීමත් සමඟ ඉනිමේ හොඳම පන්දු යැවීම වාර්තා කිරීමට ප්‍රවීන් ජයවික්‍රම සමත්විය.

බලාපොරොත්තු වූ පරිදිම දිනය ආරම්භයේ සිටම නව පන්දුව ලබා ගැනීමට ශ්‍රී ලංකා නායකයා තීරණය කළද නව පන්දුවේ වගකීම හිමිවූයේ වමත් දඟ පන්දු යවන්නන් දෙදෙනාටය. ඒ අතරින් පෙරමුණ ගත් ආධුනික වමතා, ජයවික්‍රම ෂෙනන් ගේබ්‍රියල්ගේ කඩුල්ල දවා ගනිමින් සිය පන්දු යැවීම ලකුණු 40 කට කඩුලු 4 ක් ලෙසින් සටහන් කර ගත්තේය. ඒ අනුව කොදෙව් ඉනිමේ දැවී ගිය කඩුලු 10 න් කඩුලු 9 ක්ම දඟ පන්දු යවන්නන් විසින් දවා ගැනීම කැපී පෙනුණි. අද දිනයේදී කොදෙව් පිලට එකතු කර ගත හැකි වූයේ ලකුණු 06 ක් පමණක් වන අතර යොමුවුණු පන්දු 29 න් 18 ක්ම ජොෂුවා දා සිල්වා මුහුණ දුන්නේය. නොදැවී සිය අන්තය ආරක්ෂා කරගන්නා විට ජොෂුවා පන්දු 94 කදී ලබා සිටියේ ලකුණු 15 ක් පමණි.

Related posts

NPL මංගල කිරුළ කොත්මලේ කිංග්ස් දිනාගනියි

Chamila Karawita

එංගලන්තයට එරෙහි සිව්දින සටනට ජයසූරියව කැඳවයි

Web Admin

Shakib, Faulkner, Bavuma register for LPL 2

Web Admin