Featured LPL Media Centre News

කලම්බු ස්ටාර්ස්හි හිමිකාරීත්වය ‘සොෆ්ට්ලොජික්’ට

දෙවැනි වරටත් දෙසැම්බර් 05 වැනිදා දිග හැරෙන ලංකා ප්‍රිමියර් ලීග් ක්‍රිකට් තරගාවලියට සහභාගිවන කලම්බු ස්ටාර්ස් කණ්ඩායමේ හිමිකාරීත්වය සොෆ්ට්ලොජික් හෝල්ඩිංග්ස් සමාගම විසින් අත්පත් කරගෙන තිබේ. කණ්ඩායම් 5 කගේ සහභාගිත්වයෙන් පැවැත්වෙන මෙවර තරගාවලියේදී කොළඹ කණ්ඩායමේ නව හිමිකරු බවට පත්ව සිටින සොෆ්ට්ලොජික් හෝල්ඩිංග්ස් සමාගමේ නිර්මාතෘ සහ වර්තමාන සභාපතිවරයා වන්නේ  අශෝක් පතිරගේ මහතා වේ.

එල්.පී.එල්. 2021 තරගාවලියේ කලම්බු කිංග්ස් කණ්ඩායමේ හිමිකරු බවට පත්වීම පිළිබඳව අදහස් දක්වා සිටි පතිරගේ මහතා, ලංකා ප්‍රිමියර් ලීග් තරගාවලියට සම්බන්ධවීමට හැකිවීම ගැන අතිශය සතුටට පත්වන බවයි. “එල්.පී.එල්. තරගාවලිය ලෝකයේ වැඩිම ඉල්ලුමක් ඇති විස්සයි-20 තරගාවලියන්ගෙන් එකක් බවට පත්වීමට නියමිතව තිබෙනවා. එවැනි තරගාවලියක ඉදිරි වසර කීපය තුළ තරගාවලිය වර්ධනය සහ විකාශනයට දායක වීමට අවශ්‍යතාවයක් මතු වුණා. මේ තරගාවලිය ආරම්භ වන තෙක් අපිට ඉවසිල්ලක් නෑ. මෙවර තරගාවලියේදී අපේ කණ්ඩායම සිය උපරිමයෙන්ම ක්‍රීඩා කරලා හොඳම ප්‍රතිඵල අපිට ලබා දෙනු ඇති බවට අපි බලාපොරොත්තු වෙනවා” යි අශෝක් පතිරගේ මහතා වැඩිදුරටත් අදහස් දක්වා සිටියේය.

සොෆ්ට්ලොජික් හෝල්ඩිංග්ස් ආයතනය යනු යනු මෙරට ප්‍රමුඛතම ආර්ථික අංශ කීපයක් කරා විහිදී ගොස් ඇති ආයතන වලින් සමන්විත ව්‍යාපාරායතනයකි. සෞඛ්‍ය සේවා, මුල්‍ය සේවා, තොරතුරු සහ සන්නිවේදන තාක්ෂණය, මෝටර් රථ සහ විනෝදාශ්වාදය යන අංශ මූලික කර ගනිමින් ඔවුන් සිය ව්‍යාපාර කටයුතු සිදුකරනු ලබති.

2020 වසරේ නොවැම්බර් මස 26 වැනිදා සිට දෙසැම්බර් 16 වැනිදා දක්වා හම්බන්තොට මහින්ද රාජපක්ෂ ජාත්‍යන්තර ක්‍රීඩාංගණයේ පවත්වන ලද ලංකා ප්‍රිමියර් ලීග් පළමු තරගාවලියේ ප්‍රගති සමාලෝචන වාර්තාවට අනුව ප්‍රධාන රූපවාහිනී මාධ්‍ය, ඩිජිටල්  මාධ්‍ය ජාලා ඔස්සේ එය ලොව පුරා වෙසෙන මිලියන 557 ක ප්‍රේක්ෂකයින්ගේ ආකර්ෂණය දිනා ගැනීමට සමත්විය. ප්‍රධාන අනුග්‍රාහකයා ලෙසින් කටයුතු කරන ලද  My11Circle ආයතනයේ සන්නාමයට ලැබුණු මාධ්‍ය ආවරණයේ අගය මිලියන 54.5 ක අගයකි. එම අගැයුම් වාර්තාවට අනුව පළමු තරගාවලියේ ශූරතාව දිනාගත් යාපනය කණ්ඩායමට ඩොලර් මිලියන 3.98 ක මාධ්‍ය ආවරණ වටිනාමක්ද, ගෝල් ග්ලැඩියේටර්ස් පිල ඩොලර් මිලියන 3.82 ක්ද, දඹුල්ල පිල ඩොලර් මිලියන 3.54 ක් ද, කලම්බු කිංග්ස් පිල ඩොලර් මිලියන 3.44 ක්ද සහ මහනුවර කණ්ඩායම ඩොලර් මිලියන 3.19 ක වටිනා කමකින් යුත් මාධ්‍ය ආවරණ වටිනාකමක් ලබාගැනීමට සමත්ව සිටිති.

අභිනව තරගාවලියේ විකාශන කටයුතු Sky Sports, Sony Sports Network, Geo, PTV, සහ ශ්‍රී ලංකාවේ Willow ටීවී හරහා ශ්‍රී ලංකාව ඇතුළු ඉන්දියාව, පාකිස්තානය, බංග්ලාදේශය, එක්සත් රාජධානිය, ඇමරිකා එක්සත් ජනපදය, අයර්ලන්තය සහ නවසීලන්තය යන රටවල මිලියන 155 ක ජනතාවට නැරඹීමට අවස්ථාව හිමිවිය. එපමණක් නොව සමාජ මාධ්‍යයන් තුළ එය මිලියන 218 ක ප්‍රේක්ෂක සංඛ්‍යාවක් නරඹා ඇත.

Related posts

Lanka Premier League to cater to global audience; A-Sports and Fox Sports acquire broadcast rights

Web Admin

චන්දිමාල් සහ තරංග ඇතුළත් වුණු දෙවැනි අදියරේ පුහුණු පාඨමාලාව සාර්ථකව අවසන්

Web Admin

Angelo Perera 67 off 49 stars in Dambulla Viiking 5-wkt. Win over Kandy Tuskers

Web Admin