Featured Media Centre News Womens Cricket

කාන්තා ක්‍රිකට් ශක්තිමත් කරන්න 21 න් පහළ සංචිතයක්

මෙරට කාන්තා ක්‍රිකට් ක්‍රීඩාවේ අනාගතය සුරක්ෂිත කිරීමේ අරමුණ ඇතිව වයස අවුරුදු 21 න් පහළ කාන්තා සංවර්ධන සංචිතයක් පිහිටුවීමට ශ්‍රී ලංකා ක්‍රිකට් ආයතනය පියවර ගෙන තිබේ. දක්ෂතාවයන් සොයා යෑමේ දීපව්‍යාප්ත වැඩ සටහනකින් අනතුරුව තෝරා ගන්නා ලද ක්‍රීඩිකාවන් 120 දෙනෙකු අතරින් කැපී පෙනෙන දක්ෂතා දක්වන ලද ක්‍රීඩිකාවන් 20 දෙනෙකු මෙම සංචිතයට ඇතුළත්ව සිටිති.

අලුතින් පිහිටුවා තිබෙන මෙම සංචිතය මේ වන විටත් ශ්‍රී ලංකා ක්‍රිකට් ආයතනය විසින් පවත්වාගෙන යනු ලබන දිස්ත්‍රික් සංචිත යටතේ ගුරුහරු කම් ලබනු ඇත. ශ්‍රී ලංකා ක්‍රිකට් ආයතනය විසින් ඒ ඒ දිස්ත්‍රික් සහ පළාත් සඳහා පත් කර ඇති පුහුණුකරුවන්ගේ පූර්ණ අධීක්ෂණය යටතේ මෙම ක්‍රීඩිකාවන් පළමුව මාස 3 ක පුහුණු වැඩසටහනකට සහභාගිවනු ඇත.

එම පුහුණු වැඩ සටහන සම්පූර්ණ කිරීමෙන් පසු සිදුකරනු ලබන දක්ෂතා තක්සේරුවකින් පසු ශ්‍රී ලංකා ක්‍රිකට් ආයතනය විසින් දිස්ත්‍රික් මට්ටමින් සහ පළාත් මට්ටමින් පවත්වනු ලබන ක්‍රිකට් තරගාවලියට ක්‍රීඩා කිරීම සඳහා ඇතුළත් කෙරෙති. වාර්ෂිකව ක්‍රියාත්මක වන එම තරගාවලිය ලබන 2022 වසරේ මාර්තු සහ අප්‍රේල් මාස වලදී පැවැත්වීමට සැලසුම් කර තිබේ.

සංචිත ගත ක්‍රීඩිකාවන් වෙනුවෙන් ක්‍රියාත්මක තෛයිමාසික පුහුණු වැඩසටහනේදී මූල්‍ය දීමනාවක් ලබා දීමේ පියවරක් ලෙස මාස 3 ක කාල සීමාවේදී ඔවුන්ට කොන්ත්‍රාතුවක් ලබා දීමට ශ්‍රී ලංකා ක්‍රිකට් ආයතනය පියවර ගෙන තිබේ.

අවු. 21 න් පහළ සංචිතය

  • රන්දි ප්‍රේමරත්න – ශාන්ත ජෝශප් – කෑගල්ල
  • සංසලා වනිගසේකර – නුගවෙල මැදි මහ – මහනුවර
  • තරුෂි රාජකරුණා – නුගවෙල මැදි මහ – මහනුවර
  • පී.ඩී,එස්.එච්. මහේෂිකා – ශාන්ත ජෝශප් – කෑගල්ල
  • ඩබ්. පී. නිමේෂා තරුමිණි – මාරපොල මහ විදුහල – කෑගල්ල
  • නවෝද්‍යා නෙත්මිනි – වාද්දුව මැදි මහ – කලුතර
  • ඉමෝක්ෂා බාෂිනී – වාද්දුව මැදි මහ – කලුතර
  • සාවින්දි නිමල්ෂා කුරේ – වාද්දුව මැදි මහ – කලුතර
  • මනෝහාරි නිසංසලා – වාද්දුව මැදි මහ – කලුතර
  • සුලේෂා සත්සරණි – දේවපතිරාජ – ගාල්ල
  • චේතනා විමුක්ති – පැල්වත්ත මහ ව- මොනරාගල
  • අයේෂා දිලක්ෂිණී – මාස්පන්න මහ විදුහල – බදුල්ල
  • ලංකා තිලිණි – සිංහල මහ විදුහල – ත්‍රිකුණාමලය
  • ශානු බාස්කරන් – මහජන විදුහල – යාපනය
  • ජනනි වීරකෝන් – රාජකීය විදුහල – පොලොන්නරුව
  • තරුෂි සත්සරණි – පොරමඩුල්ල මැදි මහ – නුවරඑළිය
  • එරංගා දිසානායක – කටුපොත තිස්ස මැදි මහ – කුරුණෑගල
  • මතුරිකා මුරලිතාසන් – ස්කැන්ත්වරෝදයා විදුහල – යාපනය
  • දුලංගා දිසානායක – අනුලා විදුහල – කොළඹ
  • මෙත්මා හෙට්ටිආරච්චි – අනුලා විදුහල – කොළඹ

Related posts

“ක්‍රිකට් ශ්‍රේණිගත කිරීමේදී අප ඉදිරියට ඇවිත් තිබෙනවා”- ජෙෆ්රි වැන්ඩසේ

Web Admin

12 member squad for T20 warm up against New Zealand

Web Admin

ශ්‍රී ලංකා පිතිකරුවන්ගෙන් ඉන්දියාවට 276 ක ඉලක්කයක්

Chamila Karawita