Featured Media Centre News West Indies Test tour of Sri Lanka 2021

රතු පන්දුවට හුරුවීමේ අවස්ථාව, වර්ෂාව අහිමි කරයි

ටෙස්ට් තරග සංචාරයක නිරතව සිටින බටහිර ඉන්දීය කොදෙව් කණ්ඩායමේ ශ්‍රී ලංකා තරග සංචාරය යටතේ ශ්‍රී ලංකා ක්‍රිකට් සභාපතිවරයාගේ පිලට එරෙහිව පැවැත්වීමට නියමිතව තිබූ සිව්දින පුහුණු තරගය එකම පන්දුවක් හෝ නොයවාම අතහැර දැමීමට සිදුවිය.

තරගයේ අවසන් දිනය වුණු නොවැම්බර් 17 වැනිදා දිනයේ වර්ෂාව ඇද නොහැලුණු නමුත් පෙර දින රාත්‍රියේ ඇද හැලුණු වර්ෂාව හේතුවෙන් හතරේ සීමාව ආසන්න ප්‍රදේශය තෙත බරිත තත්ත්වයෙන් පැවැතිණ.

කොළඹ එස්. එස්. සී. ක්‍රීඩාංගණයේ පැවැත්වීමට නියමිතව තිබූ මෙම තරගයේදී සිව්වැනි දිනද පිටිය නිරීක්ෂණය කළ විනිසුරුවෝ තරගය දිවා ආහාරයට පෙරම අතහැර දැමීමට තීරණය කළහ. ඒ අනුව ලබන 21 වැනිදා ආරම්භ වන තරග 2 කින් සමන්විත දෙරට අතර ටෙස්ට් තරගාවලියට කණ්ඩායම් දෙකම පුහුණු තරගයකින් තොරව ක්‍රීඩා කරනු ඇත. ටෙස්ට් තරගාවලියට ක්‍රීඩා කිරීමට නියමිත ක්‍රීඩකයින් ගණනාවක් ක්‍රිකට් සභාපතිවරයාගේ පිලට ඇතුළත්ව තිබුණද ඔවුන්ට රතු පන්දුවෙන් පුහුණුව ලබා ගැනීමට තිබූ හොඳම අවස්ථාව වර්ෂාව අහිමි කර සිටියේය.

ජෛව බුබුලු පරිසරයක් යටතේ පැවැත්වෙන මෙම ටෙස්ට් තරගාවලිය ගාල්ල අන්තර්ජාතික ක්‍රීඩාංගණයේදී පැවැත්වෙන අතර පළමුවැනින 25 වැනිදා අවසන් වන අතර දෙවැන්න 29 වැනිදා සිට දෙසැම්බර් 03 වැනිදා දක්වා පැවැත්වෙනු ඇත.

Related posts

Avishka 92 n.o. upstages Afridi black magic in Jaffna Stallions 8-wkt. Win over Galle Gladiators

Web Admin

Bangladesh tour of Sri Lanka 2021 | Two Match Test Series

Web Admin

දසුන්ට දඩයක්

Chamila Karawita