Featured Media Centre News Schools Cricket Under 19

අවසන් 4 ට යන්න යොවුන් පිල ඇෆ්ගනිස්තානයට එරෙහිව සටනට

යොවුන් ලෝක කුසලාන ක්‍රිකට් තරගාවලියේ මූලික වටයේ ‘ඩී’ කාණ්ඩය යටතේ අපරාජිතව අවසන් කණ්ඩායම් 8 අතර තරග වටයට සුදුසුකම් ලද ශ්‍රී ලංකා වයස අවුරුදු 19 න් පහළ කණ්ඩායම මෙම මස 27 වැනිදා ඇෆ්ගනිස්ථානයට එරෙහිව තරග වැදීමට සූදානමින් සිටියි.

ශ්‍රී ලංකාවේ ප්‍රතිවාදීන් වන ඇෆ්ගනිස්තානය ‘සී’ කාණ්ඩය යටතේ දෙවැනි ස්ථානයට පත් වෙමින් අවසන් කණ්ඩායම් 8 අතර තරග වටයට සුදුසුකම් ලබා සිටියි. 2016 වසරේ යොවුන් ලෝක ශූරයින් බවට පත් වුණු ඇෆ්ගනිස්තාන කණ්ඩායමට එරෙහි තරගය ඇන්ටිගුවාහි කූලිජ් ක්‍රීඩාංගණයේදී මෙරට වේලාවෙන් ප.ව. 6.30 ට ආරම්භ වනු ඇත.

මූලික වටය යටතේ ශ්‍රී ලංකාව ඔස්ට්‍රේලියාවට එරෙහිව කඩුලු 4 කින්ද, සත්කාරක බටහිර ඉන්දීය කොදෙව් කණ්ඩායමට එරෙහිව කඩුලු 3 ක ජයක්ද සහ ස්කොට්ලන්තයට එරෙහිව ලකුණු 40 ක ජයක්ද වාර්තා කරමින් අවසන් කණ්ඩායම් 8 අතර තරග වටයට සුදුසුකම් ලබා ගැනීමට සමත්වූවේය.

මෙම තරගයෙන් ජය වාර්තා කරගනු ලබන කණ්ඩායම අවසන් කණ්ඩායම් 4 අතර තරග වටයට හෙවත් අවසන් පූර්ව තරග වටය සඳහා සුදුසුකම් ලබන අතර පරාජිත කණ්ඩායම 5 වැනි ස්ථානයේ සිට 8 වැනි ස්ථානය දක්වා වූ ස්ථාන වෙනුවෙන් තරග වැදීමට සිදුවනු ඇත. තරගාවලියේ අවසන් පූර්ව තරග පෙබරවාරි මස 01 වැනිදා සහ 02 වැනිදා පැවැත්වෙනු ඇත.

ශ්‍රී ලංකා යොවුන් කණ්ඩායමක් යොවුන් ලෝක කුසලාන ක්‍රිකට් තරගාවලිය යටතේ අවසන් කණ්ඩායම් 4 අතර තරග වටයට සුදුසුකම් ලබන ලද්දේ චරිත් අසලංකගේ නායකත්වයෙන් යුතුව 2016 වසරේදී පැවැති තරගාවලියේදී වේ. ඒ අනුව ඇෆ්ගනිස්තානයට එරෙහිව පැවැත්වෙන තරගය ජය වාර්තා කරමින් අවසන් කණ්ඩායම් 4 අතරට යෑමට දුනිත් වෙල්ලාලගේගේ නායකත්වයෙන් යුතු ශ්‍රී ලංකා යොවුන් පිල සමත් වුවහොත් වසර 6 කට ආසන්න කාලයකින් පසු අවසන් පූර්ව තරග වටම් ලද පළමු අවස්ථාව ලෙසින් සනිටුහන් වනු ඇත.

අර්ධ අවසන් පූර්ව තරග කාල සටහන

ජනවාරි 26 – එංගලන්තය සහ දකුණු අප්‍රිකාව අතර

ජනවාරි 27 – ශ්‍රී ලංකාව සහ ඇෆ්ගනිස්තානය අතර

ජනවාරි 28 – පාකිස්තානය සහ ඔස්ට්‍රේලියාව අතර

ජනවාරි 29 – ඉන්දියාව සහ බංග්ලාදේශය අතර

Related posts

Sri Lanka second string team achieving the Impossible in Pakistan new food for thought for selectors

Web Admin

LPL ‘Player Draft’ rescheduled

Web Admin

යොවුන් ලෝක කුසලානෙට පෙර ශ්‍රී ලංකාවට එක්දින තරග 7 ක්

Web Admin