Featured Media Centre News Zimbabwe tour of Sri Lanka 2022

එක්දින තරගාවලියේ ප්‍රවේශපත්‍ර කළින්ම වෙන්කර ගන්න

ජනවාරි මස 18 සහ 21 වැනි දිනවල පැවැත්වෙන දෙවැනි සහ තෙවැනි එක්දින තරග නැරඹීමට බලාපොරොත්තුවන ක්‍රීඩා ලෝලීන්ට තදබදයකින් තොරව සිය ප්‍රවේශපත්‍ර වෙන්කරවා ගන්නා ලෙස ශ්‍රී ලංකා ක්‍රිකට් ආයතනය ඉතා ඕනෑ කමින් ඉල්ලා සිටියි. www.srilankacricket.lk සහ www.bookmyshow.com යන වෙබ් අඩෙවි වලට පිවිසීමෙන් සිය ප්‍රවේශපත්‍රය පහසුවෙන්ම වෙන්කර ගැනීමේ හැකියාව පවතිනු ඇත.

එම පහසුකමට අමතරව පෙ.ව. 9 සිට ප.ව. 5 දක්වා වූ කාල සීමාවේදී තරග පැවැත්වෙන  දිනයන්හිදී බලගොල්ල, අභීත ක්‍රීඩාංගණයේදීත්, තරග නොපැවැත්වෙන දිනවල පල්ලකැලේ ජාත්‍යන්තර ක්‍රීඩාංගණයේදීත් ප්‍රවේශ පත්‍ර මිලදී ගැනීමේ අවස්ථාව ක්‍රීඩා ලෝලීන්ට අවස්ථාව පවතියි.  අන්තර්ජාලය හරහා වෙන්කර ගනු ලබන ප්‍රවේශ පත්‍රද උක්ත ස්ථාන වලින් ලබාගත හැක.

ශ්‍රී ලංකාව කඩුලු 5 ක ජයක් වාර්තා කර ගත් පළමු එක්දින තරගය නැරඹීම සඳහා 10,000 කට අධික ක්‍රීඩා ලෝලීන් සංඛ්‍යාවක් පැමිණි අතර පල්ලකැලේ ක්‍රීඩාංගණයට ඇතුළු කළ හැකි ප්‍රේක්ෂක ධාරිතාවයෙන් සියයට 50 ක් (50%) ප්‍රතිශතකයකට පමණක් ක්‍රීඩාංගණයට ඇතුළුවීමට අවසර හිමිවේ. ප්‍රවේශ පත්‍ර රු. 300, 1000 සහ 3000 යන මිල ගණන් යටතේ ලබාගත හැක.

සෞඛ්‍ය අමාත්‍යාංශ නිර්දේශ අනුව එම අවසරය ලබා දීමේදී එන්නත් මාත්‍රා ද්විත්වම ලබාගත් ප්‍රේක්ෂකයින්ට පමණක් ක්‍රීඩාංගණයට ඇතුළු කිරීමට පියවර ගනු ලැබේ. ඒ අනුව තරගය නැරඹීමට පැමිණෙන සියලුම ප්‍රේක්ෂකයින් අවසන් මාත්‍රාව අවම වශයෙන් දින 14 කට පෙර සම්පූර්ණ කර තිබෙන බවට තහවුරු කළ හැකි එන්නත් පත්‍රිකාවද රැගෙන ඒම අනිවාර්ය වනු ඇත.

Related posts

ලෝක ටෙස්ට් ශූරතා ප්‍රසාද ලකුණු සටහනේ ශ්‍රී ලංකාවට තෙවැනි තැන

Chamila Karawita

සාර්ථකත්වයේ රහස දිමුත් හෙළි කරයි

Web Admin

කඩුලු 5 ක ජයකින් ශ්‍රී ලංකාව පාකිස්තානය මෙල්ල කරයි

Chamila Karawita