Featured Media Centre News NSL 2022

ධනංජයගේ තුන් ඉරියව් දක්ෂතා යාපනයට ජය ගෙනෙයි

By Chamila Karawita

නායක ධනංජය ද සිල්වාගේ තුන් ඉරියව් දක්ෂතා හේතුවෙන් ශ්‍රී ලංකා ක්‍රිකට් ආයතනයේ මෙහෙයවීමෙන් අද ආරම්භ වුණු නැෂනල් සුපර් ලීග් එක්දින ක්‍රිකට් තරගාවලිය යටතේ දඹුල්ල කණ්ඩායමට එරෙහිව ලකුණු 176 ක දැවැන්ත ජයක් වාර්තා කිරීමට යාපනය කණ්ඩායම අද (24 දා) සමත්විය.

ලකුණු 256 ක ඉලක්කයක් හඹා යෑමේදී දඹුල්ල කණ්ඩායම පන්දුවාර 25.5 ක් අවසානයේ ලකුණු 79 කට සීමා කිරීමට යාපනය පන්දු යවන්නෝ සමත්වූහ. මෙහිදී කැපී පෙනෙන පන්දු යැවීමක නිරත වුණු ධනංජය ද සිල්වා නිලකුණු පන්දුවාර 2 ක් ද සමඟ පන්දුවාර 4 කදී ලකුණු 05 කට කඩුලු 3 ක් දවා ගත්තේය. ඔහුට අනගි සහායක් ලබා දුන් ජෙෆ්රි වැන්ඩර්සි සහ දිලුම් සුධීර මෙන්ම ඉෂාන් ජයරත්න කඩුලු 2 බැගින් දවා ගත්හ.

දඹුල්ල පිතිකරුවන් ලකුණු රැස් කිරීමේදී 8 දෙනෙකුම ලකුණු 10 සීමාව ඉක්මවා ලීමට මත්තෙන් පිටියෙන් ඉවත් කිරීමට උක්ත පන්දු යවන්නෝ වග බලා ගත්හ. ඒ අතරින් වැඩිම ලකුණු ලාභියා වූයේ අශාන් ප්‍රියන්ජන් වන අතර හේ පන්දු 42 කදී ලකුණු 32 ක් රැස් කළේය.

පළමුව පන්දුවට පහර දුන් යාපනය පිල වෙනුවෙන් පන්දුවාර 47.1 කදී ලකුණු 255 ක් රැස් කිරීමට යාපනය පිල සමත්විය. පන්දු යැවීමෙන් මෙන්ම පන්දුවට පහර දීමේදද කැපී පෙනුණු ධනංජය පන්දු 64 කදී ලකුණු 69 ක් රැස් කරමින් වැඩිම ලකුණු ලාභියා බවට ද පත්වූවේය. හතරේ පහර 10 කින් වර්ණවත් වුණු ධනංජයගේ ඉනිමත් සමඟ සිව්වැනි කඩුල්ල වෙනුවෙන් සංතුෂ් ගුණතිලක සමඟ එක්ව රැස් කරන ලද ලකුණු සංඛ්‍යාව පන්දු 71 කදී ලකුණු 81 ක් විය. පන්දු යැවීමේදී ලක්ෂාන් සඳකැන් සහ විශ්ව ප්‍රනාන්දු කඩුලු 3 බැගින් බිඳ හෙළූහ.

ලකුණු සාරාංශය

යාපනය පන්දුවාර 47.1 කදී සියලු දෙනා දැවී ලකුණු 255 යි – (සදීර සමරවික්‍රම 40, ළහිරු තිරිමාන්න 28, ධනංජය ද සිල්වා 69, සංතුෂ් ගුණතිලක 33, ඉෂාන් ජයරත්න 44, විශ්ව ප්‍රනාන්දු 41/3, ලක්ෂාන් සඳකැන් 44/3)

දඹුල්ල පන්දුවාර 25.5 කදී සියලු දෙනා දැවී ලකුණු 79 යි – (අශාන් ප්‍රියන්ජන් 32, ධනංජය ද සිල්වා 05/3, දිලුම් සුධීර 10/2, ජෙෆ්රි වැන්ඩර්සි 12/2, ඉෂාන් ජයරත්න 22/2)

Related posts

Sri Lanka lose third T20I despite better batting performance

Web Admin

‘කෙත්තාරාමය හදද්දී ප්‍රේමදාස මහතාටත් ප්‍රශ්න ආවා. ඒත් අද…! ක්‍රීඩාංගණය ඉදිකිරීම ගැන ක්‍රිකට් සභාපතිගෙන් පිළිතුරු

Web Admin

Sri Lanka in champagne style 10-wicket win over Zimbabwe

Web Admin