Featured News Womens Cricket

මැලේසියාව පැරදූ ශ්‍රී ලංකා කාන්තාවෝ අපරාජිතව ඉදිරියට ඇදෙයි

මැලේසියාවේ පැවැත්වෙන පොදු රාජ්‍ය මණ්ඩලීය ක්‍රීඩා උළෙලේ කාන්තා සුදුසුකම් ලැබීමේ ක්‍රිකට් තරගාවලියේ සෙනසුරාදා (22) පැවැති තවත් තරගයකදී ශ්‍රී ලංකා කාන්තා කණ්ඩායම ලකුණු 93 ක ජයක් සත්කාරක මැලේසියා කාන්තා කණ්ඩායමට එරෙහිව ලබාගැනීමට සමත්විය. එම ජයග්‍රහණයත් සමඟ චමරි අතපත්තුගේ නායකත්වයෙන් යුතු ශ්‍රී ලංකා පිල එම තරග වටය යටතේ සහභාගිවූ තරග 3 ම ජය ගනිමින් ඉදිරියට යෑම කැපී පෙනෙයි.

මැලේෂියාව මේ තරගයේ කාසියේ වාසිය දිනා ශ්‍රී ලංකාවට මුලින් පන්දුවට පහරදීමට ඇරියුම් කළ අතර ශ්‍රී ලංකා කාන්තා කණ්ඩායම පන්දු වාර 20කදී කඩුලු 3ක් දැවී පන්දුවාර 20 අවසානයේ ලබාගත් ලකුණු 175ට පිළිතුරු ලෙස මැලේෂියා කාන්තා කණ්ඩායම පන්දුවාර 20 අවසානයේ කඩුලු හතක් දැවී ලබාගත්තේ ලකුණු 82ක් පමණකි.

ශ්‍රී ලංකා උප නායිකා හර්ෂිතා මාධවී පන්දු 42කදී හතරේ දහයක් සමඟ නොදැවී ලකුණු 65ක් රැස්කරමින් තරගයේ දක්ෂතම ක්‍රීඩිකාව ලෙස තේරිණි. හර්ෂිතාට අමතරව නිලක්ෂි ද සිල්වා පන්දු 31කදී හතරේ හතක් සමඟ නොදැවී ලකුණු 49ක්ද නායිකා චමරි අතපත්තු පන්දු 17කදී හතරේ හතක් සමඟ ලකුණු 30ක්ද රැස්කළහ. මැලේෂියා නායිකා දුරායි සිං ලකුණු 42ක් ලැබුවාය.

හර්ෂිතා මාධවී සහ නිලක්ෂි ද සිල්වා සිව්වන කඩුල්ලට පන්දු 46කදී ලකුණු 87ක සබඳතාවයක් තබා ගනිමින් ලංකා කණ්ඩායමේ හොඳම සබඳතාවය වාර්තා කළහ. ශ්‍රී ලංකා කණ්ඩායමේ අවසාන තරගය පැවැත්වෙන්නේ 24 වැනිදා බංග්ලාදේශය සමඟය.

ශ්‍රී ලංකා කාන්තා කණ්ඩායම පන්දුවාර 20කදී කඩුලු 3ට 175යි – (හර්ෂිතා මාධවී නොදැවී 65, නිලක්ෂි ද සිල්වා නොදැවී 49, චමරි අතපත්තු 30, නික් නූර් අටෙයිලා 21/1යි)

මැලේෂියා කාන්තා කණ්ඩායම කඩුලු 7ට 82යි – (විනිෆ්‍රෙඩ් ඩුරායි සිං 42, නූර් නට්ශ්‍යා 10, සුගන්ධිකා කුමාරි 12/2, ඕෂදි රණසිංහ 14/2)

Related posts

ICC Chief Match Referee Madugalle and ICC Elite Panel Umpire Dharmasena to feature in the LPL

Web Admin

NSL අවසන් මහ සටනට සුදුසුකම් ලබන්න සිව්කොන් සටනක්

Chamila Karawita

නුවනිඳුගෙන් තවත් ශතකයක්

Chamila Karawita