Featured Sinhala Column Under 19

ශ්‍රී ලංකාව අනුශූරයෝ වෙයි

ඩුබායිහි අද (31) පැවැති ආසියානු කුසලාන යොවුන් ක්‍රිකට් අවසාන මහා තරගයේ දී ඩක්වර්ත් ලුවිස් ක්‍රමයට ඉන්දියාව කඩුලු නවයකින් ශ්‍රී ලංකාව පරදා නැවත වතාවක් ආසියානු ශුරයින් බවට පත්විය.

ශ්‍රී ලංකාව කාසියේ වාසිය දිනා මුලින් පන්දුවට පහරදී පන්දුවාර 33කදී කඩුලු 7කට ලකුණු 74ක් ලබා සිටියදී වර්ෂාවෙන් තරගයට බාධා ඇති වූයෙන් මේ තරගය පන්දුවාර 38කට සීමාකැරිණි. නැවත තරගය ආරම්භ කිරීමෙන් පසුව ශ්‍රී ලංකාව පන්දුවාර  38 අවසානයේ කඩුලු 9ක් දැවී ලබාසිටියේ ලකුණු 106කි.

ඉන්දියාවට ජයග්‍රහණය සඳහා ඩක්වර්ත් ක්‍රමය අනුව ලකුණු 99ක් (පන්දුවාර 38කදී) අවශ්‍ය වූ අතර ඔවුන් පන්දුවාර 21.3කදී කඩුල්ලක් දැවී ලකුණු 104ක් ලබා මේ ජයග්‍රහණය අත්කර ගත්තේය.

ඉන්දියාව මෙවර ආසියානු යොවුන් ක්‍රිකට් සූරතාව දිනාගත්තේ අටවන වතාවටය. අවසාන වරට පැවැති යොවුන් ක්‍රිකට් තරගාවලියේ සූරයන් වූයේද ඉන්දියාවය.

ශ්‍රී ලංකා 19න් පහළ කණ්ඩායම පන්දුවාර 38දී කඩුලු 9ට 106යි – (යසිරු රුද්‍රිගෝ නොදැවී 19, රවීන් ද සිල්වා 15, මතීෂ පතිරණ 14, සදීෂ රාජපක්ෂ 14, විකි ඕස්ට්වාල් 11/3යි , කෞෂාල් ටම්බෙ 23/2)

ඉන්දියාව පන්දුවාර 21.3කදී කඩුල්ලක් දැවී 104යි – (අන්ග්ක්‍රිස් රගුවන්සි නොදැවී 56, ෂයික් රෂිඩ් නොදැවී 31, යසිරු රුද්‍රිගෝ 12/1යි)

Related posts

39 players placed in two bio-bubbles | Player preparations for the upcoming tours

Web Admin

නැගී එන ක්‍රීඩකයන් පිළිබදව ඉක්මන් නොවිය යුතුයි – ප්‍රධාන පුහුණුකරු චමින්ද වාස් කියයි

Web Admin

50 ක් ගැහුවත් සෑහීමකට පත් වෙන්න බෑ – කුසල් පෙරේරා

Chamila Karawita