Featured Media Centre News

සමුගැනීමේදී ක්‍රීඩකයින්ට කොන්දේසි තුනක්

ශ්‍රී ලංකා ජාතික ක්‍රිකට් කණ්ඩායම නියෝජනය කරන ක්‍රීඩකයකු විශ්‍රාම ගැනීමට අපේක්ෂා කර සිටින්නේ නම් මින් ඉදිරියට අවම වශයෙන් මාස 3 කට පෙර ඒ පිළිබඳව ක්‍රිකට් ආයතනය වෙත දැනුම් දිය යුතු බව ශ්‍රී ලංකා ක්‍රිකට් විධායක කමිටුව දැනුම් දී සිටියි.

ජනවාරි 07 වැනි දින රැස් වුණු ශ්‍රී ලංකා ක්‍රිකට් ආයතන විධායක කමිටුව විසින් ඉහත කී තීරණ ගෙන ඇත. උක්ත තීරණයට අමතරව තවත් කරුණු දෙකක් කෙරෙහිද මින් ඉදිරියට ක්‍රීඩකයින් අවධානය යොමු කර යුතු බව ශ්‍රී ලංකා ක්‍රිකට් ආයතනය දැනුම් දී සිටියි.

විදේශයන්හි පැවැත්වෙන ලීග් ක්‍රිකට් තරගාවලි සඳහා ක්‍රීඩා කිරීමට බලාපොරොත්තු වන්නේ නම් ඒ සඳහා විරෝධතාවයක් නොමැති බවට සහතිකයක් ලබා දෙනු ලබන්නේ ඔවුන්ගේ සමුගැන්ම ගැන නිවේදනය කිරීමෙන් මාස 6 ක කාලයකට පසුව බව එම කරුණු 3 ට ඇතුළත් අනෙක් කරුණ වෙයි.

මීට අමතරව අන්තර්ජාතික ක්‍රිකට් ක්‍රීඩාවෙන් සමුගත්තද එල්.පී.එල්. වැනි තරගාවලිවලට ක්‍රීඩා කිරීමට ක්‍රීඩකයින් බලාපොරොත්තුවෙන් පසු වන්නේ නම් ඒ සඳහා අවම වශයෙන් ඊට පෙර දේශීය තරග වාරයේදී 80% කට හෝ  දේශීය තරග ප්‍රමාණයක් ක්‍රීඩා කළ යුතු බවද ශ්‍රී ලංකා ක්‍රිකට් විධායක කමිටුව තීරණය කර තිබේ. වහාම ක්‍රියාත්මක වන පරිදි මෙම තීරණය බල පැවැත්වෙනු ඇත.

Related posts

පළමු තරගය ජයගත් දකුණු අප්‍රිකාව තරගාවලියේ පෙරමුණට

Chamila Karawita

දක්ෂ ක්‍රීඩකයින් ඉදිරියට ගේන්න බුද්ධි කේන්ද්‍රයෙන් අළුත් වැඩක්

Web Admin

කොදෙව්වෝ පෙරමුණ ගනිති

Chamila Karawita