Featured Media Centre News NSL 2022

කඩුලු ත්‍රිත්වයත් සමඟ පන්දු යවන්නන් අතර පුලින තරංග පෙරමුණට

By Chamila Karawita

නැෂනල් සුපර් ලීග් එක්දින තරගාවලියේදී පන්දු යවන්නකු වාර්තා කරන ලද පළමු කඩුලු ත්‍රිත්වයට හිමිකම් කීමට කැන්ඩි කණ්ඩායමේ පා දඟ පන්දු යවන පුලින් තරංග හිමිකම් කීවේය. ඒ ගාල්ල කණ්ඩායමට එරෙහිව ඊයේ පැවැති තරගයේදීය. ලකුණු 96 ක ජයක් කැන්ඩි පිලට හිමිවූ මෙම තරගයේදී 25 වැනි පන්දුවාරයේ පස්වැනි පන්දුවට කවිෂ්ක අංජුලවත්, හය වැනි පන්දුවේදී මුදිත ලක්ෂාන්වත් දවා ගත් පුලින අනතුරුව නැවතත් 27 වැනි පන්දුවාරයේ පළමු පන්දුවටම පබසර වඩුගේව දවා ගනිමින් පළමු කඩුලු ත්‍රිත්ව ලාභියා බවට පත්වූවේය. මෙම තරගයේදී පන්දුවාර 7.2 ක් යැවූ පුලින ලකුණු 29 කට ප්‍රතිවාදී පිලේ කඩුලු 6 ක් දවා ගනිමින් තරගයේ වීරයා සම්මානය දිනාගත්තේය.

මෙම දක්ෂතාවයත් සමඟ මෙතෙක් තරගාවලියේ වැඩිම කඩුලු ලාභියා බවට පත්වීමටද පුලින සමත්ව සිටියි. මෙතෙක් තරග 4 කට ක්‍රීඩා කර පුලින මේ වන විට කඩුලු 11 ක් දවා ගෙන සිටින්ටනේ කඩුල්ලක් දවා ගැනීමේ සාමාන්‍ය 13.81 ක් රඳවා තබා ගනිමිනි.  පන්දුවාරයකට ලකුණු 4.67 ක අගයක් ලබා දී තිබෙන දකුණත් පිට දඟ පන්දු යවන්නාට පසු සිටින්නේ ගාල්ල කණ්ඩායමේ ධනංජය ලක්ෂාන් වේ. ඔහු තරග 4 කදී කඩුලු 8 ක් දවා ගැනීමට සමත්ව සිටියි.

මේ අතර පිතිකරුවන් අතර ඕෂද ප්‍රනාන්දු පෙරමුණ ගෙන සිටියි. තරග 4 කට ක්‍රීඩා කර ඇති ඕෂද ශතකයක් සහ අර්ධ ශතකයක් සමඟින් මුලු ලකුණු 218 ක් රැස් කරගෙන සිටියි. ඉනිමක ලකුණු ලබා ගැනීමේ සාමාන්‍ය 54.50 ක් රඳවා තබා ගැනීමට සමත්ව සිටින දකුණත් පිතිකරුවා දඹුල්ල පිලට එරෙහිව වාර්තා කරන ලද ලකුණු 138 මෙතෙක් තරගාවලියේ පිතිකරුවකු ලද පළමු ශතකය බවටද පත්ව තිබ්. සධීර සමරවික්‍රම ඔහුට පිටුපසින් සිටින්නේ ලකුණු 182 ක් රැස් කරමිනි.

Related posts

India’s squad for ODI & T20I series against Sri Lanka announced

Web Admin

Avishka a cameo 82 as Chandimal (51) and Reds click; Greens Kamindu Mendis not undone – 3rd half ton

Web Admin

පළමු දිනයේ කඩුලු 16 ක් බිඳ වැටෙයි

Chamila Karawita