Developments Featured Media Centre News Schools Cricket

ශ්‍රී ලංකා ක්‍රිකට් විසින් තවත් පාසල් 252 කට ක්‍රිකට් උපකරණ පිරිනමයි

මෙරට කණිෂ්ඨ පාසල් ක්‍රිකට් ක්‍රීඩාවේ ගුණාත්මක භාවය තවත් ඉහළ නැංවීම සඳහා ශ්‍රී ලංකා ක්‍රිකට් ආයතනය විසින් අලුතින්ම දියත් කරන ලද ‘ජාතික සංවර්ධන ගමන් මඟ’ වැඩසටහනෙහි තවත් අදියරක් වන දිවයිනේ දිස්ත්‍රික්ක 19 ක් ආවරණය වන පරිදි පාසල් 252 ක් සඳහා ක්‍රිකට් උපකරණ බෙදාදීම අද (පෙබරවාරි 11 දා) පෙරවරුවේදී සිදුකෙරිණ.

ශ්‍රී ලංකා පාසල් ක්‍රිකට් සංගමයේ ද සහයෝගය ඇතිව ශ්‍රී ලංකා ක්‍රිකට් ආයතනය විසින් සිදුකරනු ලබන මෙම ක්‍රිකට් උපකරණ බෙදාදීමේ වැඩසටහන යටතේ ගාල්ල, යාපනය, මාතර, හම්බන්තොට, රත්නපුර, කෑගල්ල, නුවරඑළිය, බදුල්ල, මොණරාගල, කුරුණෑගල, මාතලේ, මහනුවර, පුත්තලම, අනුරාධපුර, පොලොන්නරුව, අම්පාර, මඩකලපුව, ත්‍රිකුණාමලය සහ කිලිනොච්චිය යන දිස්ත්‍රික්ක වල ක්‍රිකට් ක්‍රීඩා කරනු ලබන පාසල් සඳහා බෙදාදෙන ලදී.‍

පෙ.ව. 10.00 ට ආරම්භ වුණු මෙම ක්‍රිකට් උපකරණ බෙදාදීමේ උත්සවයේ ඇති සුවිශේෂීතාව වූයේ දිස්ත්‍රික්ක 18 කට අයත් පාසල් 239 කට එකවරම බෙදා දීම වේ. යාපනය දිස්ත්‍රික්කයට අයත් පාසල් 13 ට පමණක් වූ උපකරණ බෙදා දීම පස්වරුවේදී සිදුකෙරිණ. 

වයස අවුරුදු 15 න් පහළ ක්‍රිකට් ක්‍රීඩා කරනු ලබන පාසල් සඳහා ලබා දෙන ලද මෙම ක්‍රිකට් උපකරණ කට්ටල බෑගයට, ක්‍රිකට් පිති 3 ක්, හිස් ආවරණ 2 ක්, පා ආවරණ කට්ටල 3 ක්, අත් ආවරණ කට්ටල 3 ක්, කලව ආවරණ 3 ක්, (තයි පෑඩ්ස්), කඩුලු රැකීම සඳහා යොදාගනු ලබන අත් ආවරණ සහ පා ආවරණ කට්ටලයක් ඇතුළත්වේ.

අද දිනයේ සිදුකරන ලද මෙම භාණ්ඩ පරිත්‍යාග කිරීමට අමතරව ජනවාරි 28 සහ පෙබරවාරි 02 යන දිනයන්වලදී,  බස්නාහිර පළාතේ පාසල් 145 ක් සඳහා ක්‍රීඩා අමාත්‍ය නාමල් රාජපක්ෂ මහතා සහ ශ්‍රී ලංකා ක්‍රිකට් ආයතන සභාපති ශම්මි සිල්වා යන මහත්වරුන්ගේ ප්‍රධානත්වයෙන් ක්‍රීඩා අමාත්‍යාංශ ඩන්කන් වයිට් ශ්‍රවණාගාරයේදී සිදුකෙරිණ. එහිදී බාලිකා ක්‍රිකට් ක්‍රීඩාවේ නිරත පාසල් 50 කටද මෙම ක්‍රිකට් උපකරණ බෙදාදීම විශේෂත්වයක් විය.

ශ්‍රී ලංකාව තුළ උපත ලබන සහජ දක්ෂතාවයන්ගෙන් යුතු සෑම ක්‍රීඩකයකුටම ජාතික කණ්ඩායම නියෝජනය කිරීමේ සමාන අවස්ථාව උදාකරලලීමේ උදාරතර පරමාර්ථය ඇතිව ශ්‍රී ලංකා ක්‍රිකට් ආයතනය විසින් සිදුකරගෙන යනු ලබන ‘ජාතික සංවර්ධන ගමන් මඟ’ වැඩසටහන යටතේ ක්‍රිකට් උපකරණ බෙදාදීමට අමතරව ග්‍රාමීය මට්ටමේ සිට ක්‍රිකට් ක්‍රීඩාව සිදුකරගෙන යනු ලබන සෑම පාසලටකම අවශ්‍ය යටිතල පහසුකම් සියල්ල ලබාදීමට පියවරගෙන තිබීම විශේෂත්වයකි. ඒ වෙනුවෙන් කොන්ක්‍රීට් විකට්ටු 200 ක්, පැති පුහුණු තණතීරු 50 ක්, ප්‍රධාන තණතීරු 25 ක්, තලන යන්ත්‍ර 400 ක් සහ ලණු පැදුරු (මැටින්) 400 ක් (ජ්‍යෙෂ්ඨ 200 ක් සහ කනිෂ්ඨ 200 ක් වශයෙන්) ලබාදීමටත් මේ වන විටත් පියවර ගෙන තිබේ.

Related posts

කැන්ඩි ටස්කර්ස් ජයග්‍රාහී මාවතට

Chamila Karawita

බංග්ලාදේශ දෙවැනි ඉනිම අමාරුවේ දැම්ම හැටි ගැන රමේෂ් කළ හෙළිදරව්ව

Chamila Karawita

THREE-TON LASITH ABEYRATNE: A Trump Card in CCC pocketing Super Eight title

Web Admin