Featured Media Centre News NSL 2022

නැෂනල් සුපර් ලීග් අලුත්ම පෙරැළිකාරයා ‘සිතාර ගිම්හාන්’

ශ්‍රී ලංකා ක්‍රිකට් පවසන පරිදි මෙරට ක්‍රියාත්මක ප්‍රධානතම දේශීය එක්දින තරගාවලියේ ශතක ලාභීන් අතර කලම්බු කණ්ඩායමේ ආරම්භක පිතිකරු සිතාර ගිම්හාන් සිය නම රැන්දවීමට අද සමත්විය. ඒ දඹුල්ල කණ්ඩායමට එරෙහිව පල්ලකැලේ ක්‍රීඩාංගණයේ පැවැත්වෙන එක්දින තරගයේදී ශතකයක් වාර්තා කරමිනි. මෙම ශතකය මෙවර තරගවාරයේ පිතිකරුවකු වාර්තා කරන ලද තෙවැනි ශතකය ලෙසින් සටහන්විණ. වමතින් පිත්ත හසුරුවන සිතාරට පෙර ඕෂද ප්‍රනාන්දු (138) සහ ධනංජය ද සිල්වා (101) ශතක ලබා සිටින පිතිකරුවන් වුවත් මොවුන් දෙදෙනාම ටෙස්ට් කණ්ඩායම නියෝජනය කරනු ලබන පිතිකරුවෝ වෙති.  

මුහුණ දුන් 97 වැනි පන්දුවේදී සිතාර ශතකය සම්පූර්ණ කර ගනු ලැබුවේ හතරේ පහරක් එල්ල කරමිනි. ගාල්ල රිච්මන්ඩ් විදුහලින් ක්‍රිකට් ක්‍රීඩාවට අවතීර්ණව සිටින සිතාර  ශතකය වාර්තා කරගන්නා විට හයේ පහර 3 ක් සහ හතරේ පහර 12 ක් සිය ඉනිමට ඇතුළත් කරගෙන තිබිණ. දුශාන් හේමන්තගේ පන්දුවකට කඩුල්ල මුවා කිරීමේ වරදට හසුව සිතාර දැවී යන විට පන්දු 104 කදී ලකුණු 110 ක් ලබා සිටියේ හතරේ පහර 13 ක් සහ හයේ පහර 3 ක් සිය ඉනිමට ඇතුළත් කර ගනිමිනි.

Related posts

ළහිරු උදාර ලකුණු 1000 සීමාව ඉක්මවයි

Web Admin

බංග්ලාදේශයට එරෙහි ටෙස්ට් සටනේ තරග තීරක තනතුර මඩුගල්ලේට

Chamila Karawita

India U19 beat Bangladesh U19 by 5 runs to retain Asia Cup in thriller

Web Admin