Featured Media Centre News NSL 2022 Sinhala Column

ප්‍රභාත් ජයසූරිය ගෝල් මෙල්ල කරයි

වමත් දඟ පන්දු යවන 31 හැවිරිදි ප්‍රභාත් ජයසූරිය ලකුණු 111කට පිතිකරුවන් 6 දෙනෙකු දවා ලීමට සමත්වීම මත නැෂනල් සුපර් ලීග් ක්‍රිකට් තරගාවලිය යටතේ ගාල්ල අන්තර්ජාතික ක්‍රීඩාංගණයේදී අද (24 දා) ඇරැඹි තරගයේදී  ගොල් කණ්ඩායම ප්‍රථම ඉනිමේදී ලබාගත හැකි වූයේ පන්දුවාර 61.3කදී ලකුණු 267ක් පමණි. එහෙත් ගොල් පෙරළා සටන් කරමින් දිනය නිමවනවිට කළම්බු කඩුලු 6ක්ම ලකුණු 110කට දවාලීය.

කන්ද උඩරට මාතලේ පුරවරයෙන් බිහි වූ ප්‍රභාත් ජයසූරිය ගොල් කණ්ඩායමේ පිතිකරුවනට විශාල ලකුණු සංඛ්‍යාවන් කරා යාමට අවස්ථාවක් නොදී කඩුලු හයක් දවාලූවේ පන්දුවාර 26ක් යවමිනි.

කෙසේ වුවද ගොල් කණ්ඩායමද පන්දු රැකීමට පැමිණි අවස්ථාවේ කළම්බු නායක ආරම්භක පිතිකරු දිමුත් කරුණාරත්න (10)  අංක තුන පිතිකරු කුසල් මෙන්ඩිස් ( 08) සහ අංක හතර පිතිකරු රොෂේන් සිල්වා (07) අඩු ලකුණු සංඛ්‍යාවන්ට දවාලමින් කළම්බු සමග තියුණු ගැටුමක නියැළිණි. ගොල් කණ්ඩායමේ අකිල ධනංජය ද කළම්බු කඩුලු තුනක්ම දවාලූවේ ලකුණු 40ක් දිමෙනි.

නැෂනල් සුපර් ලීග් සිව්දින ක්‍රිකට් තරගාවලියේ නවවන තරගය ලෙසින් පැවැති මේ තරගයේ කාසියේ වාසිය දිනූ ගොල් කණ්ඩායම තීරණය කළේ මුලින් පනදුවට පහදීමටය. ගොල් පිතිකරුවන් දෙදෙනෙකු අර්ධ ශතකයක් තවත් පිතිකරුවන් පස් දෙනෙකු ලකුණු 17 ඉක්මවා රැස් කළත් ඔවුනගේ ඉනිම සීමා වූයේ ලකුණු 267කි.

ප්‍රබල ආරම්භක පිතිකරුවන් දෙදෙනා සංගීත් කුරේ ලකුනු 51ක් ද  පබසර වඩුගේ ලකුණු 42ක්ද රැස් කරමින් මුල් විකට්ටුවේ සබඳතාව ලකුණු  82ක් බවට පත් කළේ පන්දු 118කදීය.

පසුව ප්‍රියමාල් පෙරේරා ලකුණු 51ක් ද කවිශ්ක අංජුල ලකුණු 33ක්ද, ධනංජය ලක්ෂාන් ලකුණු 24ක්ද, චානක රුවන්සිරි 19ක් හෂාන් දුමිඳු 18ක් සහ දිනේෂ් චන්දිමාල් 17ක් එක් කළහ.

ගොල් කණ්ඩායමේ දෙවැනි හොඳම සබඳතාවය වූයේ හත්වන කඩුල්ලට ප්‍රියමාල් පෙරේරා සහ චානක රැවන්සිරි පන්දු 42කදී රැස් කළ ලකුණු 40ක සබඳතාවයයි.

කළම්බු සිය ප්‍රථම ඉනිම සඳහා පන්දුවට පහර දීමට පැවති  අවස්ථාවේ ගොල් කණ්ඩායමේ දඟ පන්දු යවන අකිල ධනංජය දිමුත් කරුණාරත්න (10) සහ රොෂේන් සිල්වා (07) දවාලමින් ද චානක රුවන්සිරි ,කුසල් මෙන්ඩිස් (08) සහ නිපුන් ධනංජය (25) දවාලමින් ද ප්‍රබල ලෙස තරගයට අවතීර්ණ විය. පසුව අකිල ධනංජය සිය තුන්වන කඩුල්ල ලෙස ප්‍රමෝද් මදුවන්ත ද (17) දවාලීමෙන් පසු දිනය නිම වන විට කඩුලු හයකට ලකුණු 110ක් ලබා සිටියේ ගොල් පළමු ඉනිමට වඩා කඩුලු හතරක් පමණක් අතැතිව ලකුණු 157 ක් පිටු පසිනි.

ලකුණු පුවරුව

ගොල් ප්‍රථම ඉනිම පන්දුවාර 61.3 කදී ලකුණු 267  – ( සංගීත් කුරේ 51 ,ප්‍රයමාල් පෙරේරා 51,පබසර වඩුගේ 42 ,කවිෂ්ක අංජුල 33,ධනංජය ලක්ෂාන් 24,චානක රුවන්සිරි 19,හෂාන් දුමිඳු 18,දිනේෂ් චන්දිමාල් 17,ප්‍රභාත් ජයසූරිය 111/6,අෂේන්  බණ්ඩාර 4/2 යි)

කලම්බු පළමු ඉනිම පන්දුවාර 25.2 කදී කඩුලු 6ට ලකුණු 110 යි – (අෂේන් බන්ඩාර 35,නිපුන් ධනංජය 25,ප්‍රමොද් මධුවන්ත 17 ,අකිල ධනංජය 28/3, චානක රුවන්සිරි 40/2)

Related posts

ජැෆ්නා ස්ටැලියන්ස් අපරාජිතව ඉදිරියටම

Web Admin

එංගලන්ත ආරම්භය ඇඹුල්දෙණිය බිඳ දමයි

Chamila Karawita

Lanka Premier League (LPL) 2nd edition will be held from 30th July to 22nd August

Web Admin