Featured Media Centre News NSL 2022 Sinhala Column

සංගීත් සහ පබසරගෙන් ශතක පිට ශතක

ජැෆ්නා කණ්ඩායමට එරෙහිව පැවැත්වෙන තරගයේදී ගොල් කණ්ඩායමේ ආරම්භක පිතිකරුවන් දෙදෙනා සංගීත් කුරේ (160) සහ පබසර වඩුගේ (108) ශතක වාර්තා කිරීමට සමත්වීම නිසා තරගයේ තෙවන දින වූ අද ( 19) පළමු ඉනිමේදී ලකුණු 190 ක වාසියක් ලබා ගැනීමට ගෝල් කණ්ඩායමට හැකියාව ලැබිණ.

ජැෆ්නා ප්‍රථම ඉනිමේදී සියල්ල දැවී රැස්කළ ලකුණු 257ට පිළිතුරු ලෙස ගොල් තම මුල් ඉනිම සඳහා පන්දුවට පහරදීමට පිටියට පිවිසි අවස්ථාවේ සංගීත් කුරේ සහ පබසර වඩුගේ ජැෆ්නා පිලට කදිම පිළිතුරක් දුන්නේ  මුල් විකට්ටුවට ලකුණු 208ක්ම රැස් කරමිනි. එම සබඳතාවයට මොවුන් දෙදෙනා වැය කරන ලද්දේ පන්දු 315 ක් පමණි.

මොවුන් දෙදෙනා අතුරින්ද වඩාත් කැපී පෙනුණු පිතිකරුවා වූ සංගීත් කුරේ ලකුණු 160 රැස් කලේ පන්දු 263කට මුහුණ දී  හතරේ පහර 13ක් සමගය. සංගීත් කුරේ කණ්ඩායමේ දෙවන හොඳම සබඳතාවයටද දායක වූයේ දෙවන කඩුල්ලට හසාන් දුමිඳු (54) සමග ලකුණු 95ක සබඳතාවයක් පවත්වා ගනිමිනි. අනෙක් ශතක ලාභියා වූ පබසර වඩුගේ ලකුණු 108ක් රැස්කළේ දර්ශනීය හයේ පහර දෙකක් සහ හතරේ පහර ‍දහයක් සමගිනි.

ආරම්භක පිතිකරුවන් දෙදෙනාට අමතරව ගෝල් කණ්ඩායම වෙනුවෙන් තවත් අර්ධ ශතක දෙකක් වාර්තා වූයේ සුමින්ද ලක්ෂාන් (57) සහ හෂා‍න් දුමිඳු (54)ය. සුමින්දලක්ෂාන් පන්දු 75කට මුහුණදී හතරේ හයක් සමඟ ලකුණු 57ක්ද හෂාන් දුමිඳු පන්දු 99කදී හයේ පහරක් සහ හතරේ හතරක් සමඟ ලකුණු 54ක් ද රැස්කළේ තම රාජකාරියන් මනාව ඉටුකරමිනි.

සූරියවැව මහින්ද රාජපක්ෂ ක්‍රීඩාංගණයේ පැවැත්වෙන මේ තරගයේ ජැෆ්නා ප්‍රථම ඉනිමේදී රැස්කළ ලකුණු 254ට පිළිතුරු ලෙසින් තෙවන දිනය වූ අද දිනය නිමවීමට පැයකට කළින් ගෝල් තම ඉනිම නිමකළේ කඩුලු 9කට ලකුණු 444ක් (පන්දු වාර 114.5ක්) ලබාසිටියදී. මෙදින තරගය නිමවන විට ජැෆ්නා දෙවන ඉනිම සඳහා කිසිවෙකු නොදැවී ලකුණු 43ක් ලබාසිටියේය.

මුල් ඉනිමේදී ජැෆ්නා පන්දු යවන්නන් අතුරින් කැපීපෙනුණු ශෂික දිල්ෂාන් ලකුණු 146කට කඩුලු හතරක්ද ජනිත් ලියනගේ ලකුණු 53කට කඩුලු 3ක් දවාලූහ. මේ තරගයේ අවසාන දිනය ඉරිදා (20) වේ.

ලකුණු විස්තරය

ජැෆ්නා පළහු ඉනිම 254 පන්දුවාර 83.5 – (නුවන් ප්‍රදීප් නොදැවී 37, නවෝද් පරණවිතාන 34, නිශාන් මධුෂ්ක 29, කල්හාර සේනාරත්න 29, සංතූෂ් ගුණතිලක 28, සමිඳ ප්‍රනාන්දු 27, සුමිඳ ලක්ෂාන් 28/4, දිල්ෂාන් මධුෂ්ක 51/3)

ගෝල් පළමු ඉනිම කඩුලු 9ට 444 පන්දුවාර 114.5යි – (සංගීත් කුරේ 160, පබසර වඩුගේ 108, සුමිඳු ලක්ෂාන් 57, හෂාන් දුමිඳු 34, චානක රුවන්සිරි 29, ශෂික දිල්ෂාන් 146/4, ජනිත් ලියනගේ 53/3යි)

ජැෆ්නා දෙවන ඉනිම කිසිවෙකු නොදැවී 43 පන්දුවාර 12යි – (නිශාන් මධුෂ්ක නොදැවී 21, නවෝද් පරණවිතාන නොදැවී 22)

Related posts

හොදම තුරුම්පුව මිකී ආතර් අප සමග යාමයි – ශ්‍රී ලංකා නායක දිමුත් කරුණාරත්න කියයි

Web Admin

Colombo Kings hold the edge, but Galle Gladiators can rise gladiator like

Web Admin

Lanka Premier League | Squads

Web Admin