Featured Media Centre News NSL 2022

කැන්ඩි ආරම්භක පිතිකරුවෝ ශක්තිමත් පදනමක් එක් කරති

Chamila Karawita reporting from Galle

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන මෙරට ප්‍රධානතම ක්‍රිකට් තරගාවලිය වන නැෂනල් සුපර් ලීග් සිව්දින ක්‍රිකට් තරගාවලියේ අභිනව ශූරයින් තේරීම වෙනුවෙන් අද (07 දා) ඇරැඹි අවසන් මහ තරගයේදී පළමු දින දිවා ආහාරයට තරගය නිමා කරන විට කැන්ඩි කණ්ඩායම වෙනුවෙන් ශක්තිමත් පදනමක් ගොඩ නැංවීමට ආරම්භක පිතිකරුවෝ සමත්වූහ.

ගාල්ල අන්තර්ජාතික ක්‍රීඩාංගණයේ පැවැත්වෙන මෙම තරගයේදී මෙතෙක් යවන ලද පන්දුවාර 34 ඇතුළත කඩුලු ආරක්ෂා කරගත් කමිල් මිශාර සහ කසුන් විදුර කැන්ඩි ලකුණු පුවරුව ලකුණු 113 ක් දක්වා ඉහළ නැංවූහ. දඟ පන්දු යවන්නන්ට පාරාදීසයක් බඳු ගාල්ල තරගයේ තීරණාත්මක සාධකය වන කාසියේ වාසිය දිනාගත් කැන්ඩි නායක කමිඳු මෙන්ඩිස් පළමුව පන්දුවට පහර දීමට තීරණය කළේය.

ඒ අනුව ඉනිම ඇරැඹි ආරම්භක පිතිකරුවන් දෙදෙනා දවා ගැනීම වෙනුවෙන් හය වැනි පන්දුවාරයේ සිට දඟ පන්දු යවන්නන් යොදා ගැනුණත් සිය කඩුලු ආරක්ෂා කරගත් වමත් පිතිකරුවන් දෙදෙනා තරගය නිමා වන විට අර්ධ ශතක වාර්තා කර ගෙන සිටියහ. නුවන් ප්‍රදීප් ආබාධයකට ගොදුරු වීම නිසා මෙම තරගයට නිපුන් මාලිංග සමඟින් අනෙක් වේග පන්දු යවන්නා ලෙස යොදා ගැනුනේ ජනිත් ලියනගේය.

දඟ පන්දු යවන්නන්ට ලබා දෙන සහාය හේතුවෙන් කැන්ඩි පිල මෙම තරගයේදී දඟ පන්දු යවන්නන්ට මුල් තැන දෙමින් ප්‍රධාන දඟ පන්දු යවන්නන් තිදෙනකු සමඟින් අවතීර්ණ වූයේ නායක ධනංජය ද සිල්වා සහ දුනිත් වෙල්ලාලගේටද දඟ පන්දු යවන්නන් ලෙස ප්‍රධාන භූමිකාවක් සිදුකිරීමට හැකි පසුබිමකදීය. එහිදී පා දඟ පන්දු යවන ජෙෆ්රි වැන්ඩර්සිට අමතරව ගීත් කුමාර සහ සුධීර තිලකරත්නද දඟ පන්දු යවන්නන් ලෙසින් කණ්ඩායමට එක්ව සිටිති.

ප්‍රධාන දඟ පන්දු යවන්නන් පස් දෙනෙකු සමඟින් අවතීර්ණ වුණු තරගයේදී අපහසුවකින් මනාසේ කල්පනාකාරීව පිත්ත හැසිරවූ කසුන් විදුරට මිශාරට පෙර අර්ධ ශතකය සම්පූර්ණ කරගත්තේය. නිපුන් මාලිංගට එරෙහිව පිට පිට හතරේ පහරක් සහ හයේ පහරක් එල්ල කරමින් ලකුණු ලබා ගැනීම ආරම්භ කළ කසුන් විදුර මුහුණ දුන් 84 වැනි පන්දුවේදී අර්ධ ශතකය සම්පූර්ණ කරගත්තේය.

දිවා විවේකයට පෙර යවන ලද පන්දුවාරයට පෙර පන්දුවාරයේ අවසන් පන්දුවට ලකුණකින් පැති මාරුකරගත් මිශාර අර්ධ ශතකය සම්පූර්ණ කර ගත්තේ මුහුණ දුන් 105 වැනි පන්දුවේදීය. මොවුන් දෙදෙනාව මට්ටු කිරීම වෙනුවෙන් කැන්ඩි නායකයා වන ධනංජය ද සිල්වා ඔහු ඇතුළු පන්දු යවන්නන් හය දෙනෙකුගේ සහාය ලබා ගත්තද කඩුලු දවා ගැනීමේ අපේක්ෂාව ව්‍යර්ථ විය. දිවා භෝජනය සඳහා ක්‍රීඩාව නිමා කරන විට පන්දු 95 කට මුහුණ දී සිටි කසුන් විදුර හයේ පහරක් සහ හතරේ පහර 3 ක් සමඟින් ලකුණු 59 ක්ද පන්දු 110 කට මුහුණ දී සිටි කමිල් මිශාර හයේ පහරක් සහ හතරේ පහර 3 ක් සමඟින් ලකුණු 51 ක්ද ලබා සිටියහ.

කැන්ඩි පළමු ඉනිම පන්දුවාර 34 කදී කිසිවකු නොදැවී ලකුණු 113 යි – (කමිල් මිශාර 51*, කසුන් විදුර 59*)

Related posts

Praveen Jayawickrama’s fairytale entry could hit jackpot for ICC Player of the Month Award

Web Admin

දසුන්ගේ ග්‍රේස් පන්දුවට පහර දෙයි

Chamila Karawita

Sri Lanka U19 beat Bangladesh U19 by 42 runs in first Youth ODI

Web Admin