Featured Media Centre News Sri Lanka test tour of Bangladesh - 2022

ශ්‍රී ලංකා පිලේ සහාය පුහුණුකරු තනතුරට ‘නවීඩ් නවාස්’ට

ශ්‍රී ලංකා කණ්ඩායමේ නව සහාය පුහුණුකරු ලෙසින් හිටපු ටෙස්ට් ක්‍රීඩක නවීඩ් නවාස් මහතා පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ. අප්‍රේල් මස 01 වැනිදා සිට ක්‍රියාත්මක මෙම පත්වීම ඉදිරි වසර 2 ක කාලයක් සඳහා බලපැවැත්වෙනු ඇත.

ප්‍රධාන පුහුණුකරු වන ක්‍රිස් සිල්වර්වඩු මහතාගේ සහායකයා ලෙස කටයුතු භාර ගැනීමට පෙර නවීඩ් නවාස් මහතා බංග්ලාදේශ වයස අවුරුදු 19 න් පහළ කණ්ඩායමේ ප්‍රධාන පුහුණුකරු ලෙසින් කටයුතු කළේය. එම කාල සමයේදී  2020 වසරේ පැවැති අවුරුදු 19 න් පහළ යොවුන් ලෝක කුසලාන බංග්ලාදේශයට දිනා දීමට නවාස් මහතා සමත්වූවේය.

ඒ අනුව සිල්වර්වුඩ් මෙන්ම නවාස් මහතාගේද පළමු රාජකාරිය වනුයේ ශ්‍රී ලංකා ක්‍රිකට් කණ්ඩායමේ බංග්ලාදේශ තරග සංචාරය වනු ඇත. නවාස් මහතාගේ පත්වීම හැරුණු කොට එම තරග සංචාරය සඳහා තවත් පත්වීම් 3 ක් ලබාදීමට ශ්‍රී ලංකා ක්‍රිකට් ආයතනය පියවර ගෙන තිබේ.

ඒ අනුව චමින්ද වාස් මහතා වේග පන්දු පුහුණුකරු ලෙසත්, පියල් විජේතුංග මහතා දඟ පන්දු පුහුණුකරු ලෙසිත් සහ මනෝජ් අබේවික්‍රම මහතා පන්දු රැකීමේ පුහුණුකරු ලෙසත් කටයුතු කරනු ඇත.

මේ අතර වයස අවුරුදු 19 න් පහළ ශ්‍රී ලංකා කණ්ඩායමේ කළමනාකරු ලෙස කටයුතු කරන ලද මහින්ද හලංගොඩ මහතා ශ්‍රී ලංකා කණ්ඩායමේ කලමනාකරු ලෙසින් එම තරග සංචාරයේදී කටයුතු කරනු ඇත.

බංග්ලාදේශය තරග සංචාරයේදී ශ්‍රී ලංකා ක්‍රිකට් කණ්ඩායම ටෙස්ට් තරග 2 කට සහභාගිවීමට නියමිත එම තරග සංචාරය ලෝක ටෙස්ට් ශූරතාවලිය යටතේ පැවැත්වෙනු ඇත.

Related posts

ඉන්දියාව සමඟ ‘එකට එක’ කරන්න හෙට ජයග්‍රහණය ශ්‍රී ලංකාවට තීරණාත්මකයි

Chamila Karawita

‘ඒ’ එක්දින තරගාවලියේ ජය බංග්ලාදේශයට

Web Admin

දක්ෂ ක්‍රීඩකයින් ඉදිරියට ගේන්න බුද්ධි කේන්ද්‍රයෙන් අළුත් වැඩක්

Web Admin