Featured Major Club Emerging 3-Day Media Centre News

සෙබස්තියනයිට්ස් අවසන් මහ සටනට

අන්තර් ක්‍රීඩා සමාජ නැගී එන කණ්ඩායම් අතර පැවැත්වෙන තුන්දින ක්‍රිකට් තරගාවලියේ අවසන් මහ තරග අවස්ථාව සඳහා සුදුසුකම් ලබා ගැනීමට සෙබස්තියනයිට්ස් ක්‍රීඩා සමාජය අද (10 වැනිදා) සමත්විය. අදාළ තරගාවලිය යටතේ පී. සරවනමුත්ත ක්‍රීඩාංගණයේ පැවැති දෙවැනි අවසන් පූර්ව තරගයේදී පළමු ඉනිමේ ජයක් වාර්තා කර ගත් සෙබස්තියනයිට්ස් කණ්ඩායම අවසන් මහ තරගයේදී ටැමිල් යුනියන් කණ්ඩායමේ ප්‍රතිවාදීන් බවට පත්විය.

තරගයේ තෙවැනි දිනය පුරා ඇද හැළුණු වර්ෂාව හේතුවෙන් අවසන් දිනයේදී එකම පන්දුවක් හෝ යැවීමට අවස්ථාව හිමිනොවීය. එබැවින් පළමු ඉනිමේ ජයග්‍රහණය පරිදි අවසන් මහ තරග අවස්ථාව සෙබස්තියනයිට්ස් පිලට හිමිවිය.

දෙපිළේම කඩුලු 25 ක් බිඳ වැටුණු දෙවැනි දිනයේදී ලකුණු 29 ක පළමු ඉනිමේ වාසියක් සමඟින් දෙවැනි ඉනිම ඇරැඹූ සෙබස්තියනයිට්ස් පිළේ කඩුලු 4 ක් ලකුණු 05 ක් ඇතුළත බිඳ වැටීම නිසා දැඩි අසීරුතාවයකට මුහුණ දුන්නේය. එහෙත් තරූෂ ප්‍රනාන්දු සහ ළහිරු ප්‍රනාන්දු එක්ව පස්වැනි කඩුල්ල වෙනුවෙන් එක් කරන ලද ලකුණු 39 ක සම්බන්ධතාවයත් සමඟම දිනය අවසන් වන විට කඩුලු 6 කට ලකුණු 53 ක් ලබා දැඩි අසීරුතාවයකට මුහුණ දුන්නේය. පන්දු යැවීමේදී කැපී පෙනුණු ජෙහාන් ඩැනියෙල් දැවී ගිය කඩුලු 6 න් කඩුලු 5 කම හිමිකරුවා බවට පත්වූවේය.

කෙසේ වෙතත් පළමු ඉනිමේ ලද ලකුණු 29 ක වාසිය නිසා ඔවුන්ට ලකුණු 89 කින් දෙවැනි ඉනිමේ පෙරමුණ ගැනීමට අවස්ථාව උදාවූයේ තවත් කඩුලු 4 ක් පමණක් සන්තකයේ තබාගෙනය.

පළමු ඉනිම ක්‍රීඩා කළ සෙබස්තියනයිට්ස් පිල සියලු දෙනා දැවී ලකුණු 142 ක් රැස් කළ අතර ඊට පිළිතුරු ලෙස ප්‍රබල කෝල්ට්ස් පිලට රැස් කරගත හැකි වූයේ ලකුණු 113 කි පමණි. මෙවර තරගාවලියේ තරග 6 කට සහභාගිවුණු කෝල්ට්ස් පිල එහිදී පූර්ණ තරග ජයග්‍රහණ 5 ක් වාර්තා කරමින් අවසන් කණ්ඩායම් 4 අතරට සුදුසුකම් ලැබුවද ලකුණු 143 ක් තරම් පහසු ඉලක්කය සපුරා ගැනීමට අසමත්වීම කැපී පෙනිණ.

ඒ අනුව මෙම තරගාවලියේ අවසන් මහ තරගය ටැමිල් යුනියන් කණ්ඩායම සහ සෙබස්තියනයිට්ස් කණ්ඩායම අතර ලබන 22 වැනිදා සිට 24 වැනිදා දක්වා කොළඹ එස්.එස්.සී. ක්‍රීඩාංගණයේදී පැවැත්වෙනු ඇත.  

සෙබස්තියනයිට්ස් පළමු ඉනිම 142 යි – (සඳුන් ප්‍රනාන්දු 46, ළහිරු ප්‍රනාන්දු 28, රොහාන් සංජය 09ග3, කවිශ්ක අංජුල 20/3, ජෙහාන් ඩැනියෙල් 36/2, ඩිල්ෂාන් මදුශංක 51/2) සහ දෙවැනි ඉනිම කඩුලු 6 ට ලකුණු 53 යි – (තරූෂ ප්‍රනාන්දු 24, ජෙහාන් ඩැනියෙල් 27/5)

කෝල්ට්ස් පළමු ඉනිම ලකුණු 113 යි – (මුදිත ලක්ෂාන් 35, ජෙහාන් ඩැනියෙල් 31, තරිඳු රත්නායක 34/4, ටෙහාන් ශාෆ්ටර් 25/3, තරූෂ ප්‍රනාන්දු 44/3)

Related posts

Avishka Perera super 210 n.o., Hashan Dumindu 130 in Colts 409/3 vs Saracens SC, Seven others hit tons

Web Admin

Sri Lanka shift the balance in 2-1 insulation

Web Admin

නැගීඑන ක්‍රීඩකයින්ට ඔස්ට්‍රේලියානු දේශීය තරගාවලියට ක්‍රීඩා කිරීමේ අවස්ථාව

Web Admin