Featured Media Centre News Sri Lanka test tour of Bangladesh - 2022

කසුන් රාජිතගෙන් වාර්තාගත පන්දු යැවීමක්

By Chamila Karawita

මීර්පූර්හි පැවැත්වෙන දෙවැනි ටෙස්ට් තරගයේ දෙවැනි දිනය වූ අද (24 දා) දිවා භෝජනය සඳහා තරගය නිමා කරන විට යළිත් තරගයට අවතීර්ණ වූ ශ්‍රී ලංකා පන්දු වන්නෝ බංග්ලා‌දේශ ඉනිමේ කඩුලු 9 ක් ලකුණු 361 ක් ඇතුළත දවා ගැනීමට සමත්ව සිටිති.

පෙර දිනයේදී බංග්ලාදේශ ඉනිමේ ගැලවුම්කරුවන් බවට පත් වුණු හිටපු නායක මුෂ්ෆිකර් රහීම් සහ ලිටන් දාස්ගේ සම්බන්ධතාවය ලකුණ 272 කදී බිඳ දැමීමට කසුන් රාජිත සමත්වූවේය. ඒ ලිටන් දාස් ලකුණු 141 කට දවා ගැනීමත් සමඟය. දැවී යන විටත් සිය ටෙස්ට් තරග දිවියේ වැඩිම ලකුණු වාර්තා කර ගැනීමට බංග්ලාදේශ කඩුලු රකින්නා සමත්ව සිටියේය. පන්දු 246 ක් පුරා විහිදුණු දාස්ගේ ඉනිම සඳහා ඔහු හයේ පහරක් සහ හතරේ පහර 16 ක් ඒල්ල කර තිබුණි.

දාස්ගේ කඩුල්ල දවා ගත් කසුන් ඊට පන්දු 3 කට පසු නැවතත් මොසදික් හොසේන්ගේ කඩුල්ල දවා ගනිමින් පළමු වතාවට ටෙස්ට් තරගයකදී කඩුලු 5 ක් දවා ගත්තේය. පන්දුවාර 27 කදී නිලකුණු පන්දු වාර 7 ක්ද සමග ලකුණු 62 කට කඩුලු 5 ක් ලෙසින් වාර්තා වුණු කසුන්ගේ පන්දු යැවීම ශ්‍රී ලංකා වේග පන්දු යවන්නකු විසින් බංග්ලාදේශයට ඒරෙහිව ඔවුන්ගේ නිජ බිමේදී කඩුලු 5 ක් දවා ගත් පළමු අවස්ථාවේ වාර්තාව බවටද පත්විය.

කසුන්ට අමතරව දැවී ගිය අනෙක් කඩුලු 4 ම හිමිකාරයා බවට පත්ව සිටින්නේ වේග පන්දු යවන අසිත ප්‍රනාන්දු වන අතර ඔහු ලකුණු 93 කට කඩුලු 4 ක් බිඳ හෙළා තිබේ. උදෑසන සිටම බංග්ලාදේශ පසු පෙළ පිතිකරුවන් වෙනුවෙන් කෙටි පන්දු යැවීමේ උපක්‍රමය භාවිතයෙන් වේග පන්දු යවන්නන් පන්දු යැවීම විශේෂත්වයක් විය. එහෙත් ඒ අතරින් නොසැළී සිටි මුෂ්ෆිකර් රහීම් ලකුණු 171 ක් ලබා කඩුල්ලේ රැඳී සිටියි. මෙම ඉනිම සටහන් වූයේ රහීම්ගේ ටෙස්ට් තරග දිවියේ ලකුණු 150 සීමාව ඉක්මවා ගිය පස්වැනි අවස්ථාව ලෙසිනි. ඉනිමේ අවසන් පිතිකරු ලෙසින් පිටියට පිවිසි ඒබදොත් හොසේන්ගේ පිත්තේ වැදණේ යැයි සිදුකරන ලද ඉල්ලීමට විනිසුරු ප්‍රතිචාර දැක්වුවද එය අභියෝගයට ලක් කිරීමේදී ඔහු නොදැවුණු ක්‍රීඩකයකු ලෙස පුණරූපනවල සටහන් විය. ඒ අනුව අසිත ප්‍රනාන්දුගේ නම ඉදිරියෙන් කඩුලු 5 ක් ලෙසින් ලියැවුණු අවස්ථාව මිනිත්තු ගණනකට පමණක් සීමා විය.

Related posts

Alyssa Healy record unbeaten 148 as Australia Women beat Sri Lankan Women by 132

Web Admin

Sri Lanka rise from early peril to demolish Ireland by 70 runs to make it to the Super Stage

Web Admin

ශ්‍රී ලංකාව 20-20 හත්වන ස්ථානයට ශ්‍රේණිගතවේ

Web Admin